December 04, 2022
December 04, 2022
ന്യൂസ്റൂം ബ്യുറോ
അബഹ :സൗദി അറേബ്യയില് ബസ് അപകടത്തില്പെട്ട് നാല് മരണം. ആറ് പേര്ക്ക് പരിക്കേറ്റു. അസീര് പ്രവിശ്യയുടെ വടക്കന് മേഖലയില് ശആര് ചുരം റോഡിലായിരുന്നു അപകടം. ഇവിടെ തുരങ്കത്തിന് മുന്നില് ബസും മറ്റൊരു വാഹനവും കൂട്ടിയിടിക്കുകയായിരുന്നു.സൗദി റെഡ് ക്രസന്റ് സംഘങ്ങള് സ്ഥലത്തെത്തി രക്ഷാപ്രവര്ത്തനം നടത്തി. പരിക്കേറ്റവരെ അസീന് സെന്ട്രല് ആശുപത്രിയിലും മഹായില് ജനറല് ആശുപത്രിയിലുമാണ് പ്രവേശിപ്പിച്ചത്.കൂടുതൽ വിവരങ്ങൾ ലഭ്യമല്ല.
കഴിഞ്ഞ ദിവസം സൗദി അറേബ്യയിലെ അല്ബാഹയില് മേല്പ്പാലത്തില് നിന്ന് കാര് മറിഞ്ഞുണ്ടായ അപകടത്തില് മൂന്നു പേര്ക്ക് പരിക്കേറ്റിരുന്നു.. ബനീദബ്യാന് ദിശയില് അല്ബാഹ റിങ് റോഡ് മേല്പ്പാലത്തിലാണ് സംഭവം.
മൂന്നു യുവാക്കള് സഞ്ചരിച്ച കാറാണ് അപകടത്തില്പ്പെട്ടത്. പരിക്കേറ്റവരില് രണ്ടു പേരുടെ നില ഗുരുതരമാണ്. ഒരാള്ക്ക് നിസ്സാര പരിക്കാണേറ്റത്. പരിക്കേറ്റവരെ റെഡ് ക്രസന്റ് പ്രവര്ത്തകര് അല്ബാഹ കിങ് ഫഹദ് ആശുപത്രിയില് പ്രവേശിപ്പിച്ചതായി അല്ബാഹ റെഡ് ക്രസന്റ് വക്താവ് ഇമാദ് അല്സഹ്റാനി അറിയിച്ചു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/C2rupFykVgXBqmlpJc6amX എന്ന ലിങ്കിൽ ജോയിൻ ചെയ്യുക