April 20, 2023
April 20, 2023
ന്യൂസ്റൂം ബ്യൂറോ
ജിദ്ദ: ചെറിയ പെരുന്നാള് ദിവസം മഴക്കു സാധ്യതയുള്ള പ്രദേശങ്ങളില് തുറസ്സായ ഈദ് ഗാഹുകള് ഇസ്ലാമികകാര്യ മന്ത്രാലയം വിലക്കി. മഴയ്ക്ക് സാധ്യതയുള്ള പ്രദേശങ്ങളില് ജൂമാമസ്ജിദുകളില് മാത്രമേ പെരുന്നാള് നമസ്കാരം സംഘടിപ്പിക്കാന് പാടുള്ളൂ എന്ന് അധികൃതര് നിര്ദ്ദേശിച്ചു. പെരുന്നാള് ദിവസം സൗദിയിലെ ഭൂരിഭാഗം പ്രവിശ്യകളിലും മഴ പെയ്യാന് സാധ്യതയുണ്ടെന്ന് ദേശീയ കാലാവസ്ഥാ നിരീക്ഷണ കേന്ദ്രം അറിയിച്ച പശ്ചാത്തലത്തിലാണ് പുതിയ തീരുമാനം. ദിവസങ്ങളായി മദീനയില് അടക്കം സൗദിയിലെ വിവിധ പ്രവിശ്യകളില് കനത്ത മഴ തുടരുകയാണ്.
ജിദ്ദയില് 822 മസ്ജിദുകളും ഈദ് ഗാഹുകളും പെരുന്നാള് നമസ്കാരം നിര്വഹിക്കാന് ഇസ്ലാമികകാര്യ മന്ത്രാലയം തിരഞ്ഞെടുത്തു. ജിദ്ദയില് രാവിലെ 6.15നാണ് പെരുന്നാള് നമസ്കാരം നിര്വഹിക്കേണ്ടതെന്നും ഇസ്ലാമികകാര്യ മന്ത്രാലത്തിനു കീഴിലെ ജിദ്ദ മസ്ജിദ് കാര്യ വിഭാഗം മേധാവി പറഞ്ഞു.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI