July 20, 2021
July 20, 2021
ദോഹ: കൊവിഡ് മഹാമാരിയുടെ ദുരിതങ്ങള്‍ക്കിടയിലും ത്യാഗസ്മരണകള്‍ അയവിറക്ക് ഇന്ന് ഗള്‍ഫ് രാജ്യങ്ങളില്‍ ബലിപെരുന്നാള്‍. പെരുന്നാളിനായി ഒരുങ്ങി ഗള്‍ഫിലെ പ്രവാസി സമൂഹവും. മിക്ക ഗള്‍ഫ് രാജ്യങ്ങളിലും നിയന്ത്രണങ്ങളോടെ ഈദ് നമസ്‌കാരത്തിന് അനുമതിയുണ്ട്. കേരളത്തില്‍ നാളെയാണ് ബലി പെരുന്നാള്‍.
കോവിഡ് നിയന്ത്രണങ്ങളോടെ ഇക്കുറി സൗദി, യു എ ഇ, കുവൈത്ത്, ഖത്തര്‍ എന്നീ രാജ്യങ്ങളിലെ ഈദ്ഗാഹുകളിലും പള്ളികളും പെരുന്നാള്‍ നമസ്‌കാരം നടന്നു. ഒമാനില്‍ പെരുന്നാളിന് സമ്പൂര്‍ണ ലോക്ക്ഡൗണാണ്. പെരുന്നാള്‍ നമസ്‌കാരം വീടുകളില്‍ നിര്‍വഹിക്കണമെന്നാണ് നിര്‍ദേശം. ബഹ്‌റൈനില്‍ ഗ്രാന്‍ഡ് മസ്ജിദില്‍ കുറഞ്ഞ ആളുകള്‍ക്ക് നമസ്‌കാരത്തിന് അനുമതിയുണ്ട്. യു.എ.ഇയില്‍ ഈദ് നമസ്‌കാരവും ഖുതുബയും 15 മിനിറ്റില്‍ ഒതുക്കി. പെരുന്നാളിനോട് അനുബന്ധിച്ച് ഗള്‍ഫ് രാജ്യങ്ങളില്‍ ഒരാഴ്ചയോളം അവധിയാണ്.
എല്ലാവര്‍ക്കും ബലിപെരുന്നാള്‍ ആശംസകള്‍
