August 31, 2019
August 31, 2019
ദുബായ് : തെരഞ്ഞെടുക്കപ്പെട്ട അംഗങ്ങളില് ചിലരെ നേതൃത്വം അവഗണിക്കുന്നുവെന്നാരോപിച്ച് ദുബായ് കെ എം സി സിയിലുണ്ടായ വാക്കേറ്റം കയ്യാങ്കളിയിൽ കലാശിച്ചു. ഇതിന്റെ ദൃശ്യങ്ങൾ സമൂഹ മാധ്യമങ്ങളിൽ പലരും പങ്കുവെച്ചിട്ടുണ്ട്. കെ എം സി സി ആസ്ഥാനത്ത് കഴിഞ്ഞ ദിവസമുണ്ടായ യോഗത്തിനിടെ പ്രവര്ത്തകര് ചേരിതിരിഞ്ഞിണ്ടായ വാക്കേറ്റം കൂട്ടത്തല്ലിലെത്തുകയായിരുന്നു.
https://www.facebook.com/shihab.kp.50/videos/2187669164675887/
ആറ് മാസത്തോളമായി തുടരുന്ന വിഭാഗീയതയാണ് സംഘര്ഷത്തിലെത്തിയതെന്നാണ് വിവരം.
കഴിഞ്ഞ ഫെബ്രുവരിയിലാണ് കെ എം സി സി പ്രസിഡന്റായി ഇബ്രാഹിം എളേറ്റിലിനെയും സെക്രട്ടറിയായി മുസ്തഫ വേങ്ങരയെയും ഹൈദരലി ശിഹാബ് തങ്ങള് ചുമതലപ്പെടുത്തിയത്. എന്നാല് ഇവരെ നിയമിച്ചതിനെതിരെ തുടക്കം മുതല് ഒരു വിഭാഗത്തിന് അതൃപ്തിയുണ്ടായിരുന്നു. അഭിപ്രായ ഭിന്നത സംഘര്ഷങ്ങളിലേക്ക് വഴിവച്ചിരുന്നുവെങ്കിലും ലീഗ് നേതൃത്വം ഇടപെട്ട് തണുപ്പിക്കുകയായിരുന്നു. ഇതിനിടെയാണ് യോഗം കയ്യാങ്കളിയിലെത്തിയത്.