October 03, 2019
October 03, 2019
ദോഹ : ഖത്തറിൽ ഭേദഗതികളോടെയുള്ള ഉപഭോക്തൃ സംരക്ഷണ നിയമത്തിന്റെ കരട് രൂപത്തിന് മന്ത്രിസഭ അംഗീകാരം നൽകി. പ്രധാനമന്ത്രിയും ആഭ്യന്തര മന്ത്രിയുമായ ശൈഖ് അബ്ദുല്ല ബിന്‍ നാസര്‍ ബിന്‍ ഖലീഫ ആല്‍ഥാനിയുടെ അധ്യക്ഷതയില്‍ ചേര്‍ന്ന യോഗത്തിലാണു കരടുനിയമത്തിന് അംഗീകാരം നല്‍കിയത്. 2008-ലെ ഉപഭോക്തൃ സംരക്ഷണ നിയമം ഭേദഗതി ചെയ്താണു പുതിയ നിയമത്തിന് വാണിജ്യ-വ്യവസായ മന്ത്രാലയം രൂപം നൽകിയത്.
സാമ്പത്തിക, വ്യാപാര രംഗങ്ങളിലെ വികസനത്തിനനുസരിച്ച് ഉപഭോക്തൃ നിയമങ്ങളും നവീകരിക്കണമെന്ന് ആവശ്യം ഉയര്‍ന്നതിന്റെ അടിസ്ഥാനത്തിലാണ് കരട് നിയമത്തിന് രൂപം നൽകിയത്.
ദേശീയ ഉല്‍പന്നങ്ങളുടെ മത്സരക്ഷമതയ്ക്കു പിന്തുണ നല്‍കാനും അവയുടെ രാജ്യാന്തര വ്യാപാരത്തിനു തടസമാകുന്നവയെ പ്രതിരോധിക്കാനും ലക്ഷ്യമാക്കി 2009ല്‍ രൂപം നല്‍കിയ എക്‌സിക്യൂട്ടീവ് നിയന്ത്രണ നിയമത്തിന്റെ ഭേദഗതിക്കും കഴിഞ്ഞ ദിവസം മന്ത്രിസഭ അംഗീകാരം നല്‍കിയിട്ടുണ്ട്.
