May 26, 2020
May 26, 2020
ദോഹ : കോവിഡ് പോസറ്റിവ് സ്ഥിരീകരിച്ച തിരൂർ സ്വദേശി ദോഹയിൽ നിര്യാതനായി.തിരൂർ പുതിയങ്ങാടി കാഞ്ഞിക്കോത്ത് സെയ്താലിക്കുട്ടി(69)യാണ് മരിച്ചത്. കോവിഡ് പോസറ്റിവ് സ്ഥിരീകരിച്ചതിനെ തുടർന്ന് ഉംസൈദിൽ നിരീക്ഷണത്തിൽ തുടരുന്നതിനിടെ ന്യുമോണിയ ബാധിച്ചിരുന്നു. തുടർന്ന് വക്രയിലെ ഹമദ് ആശുപത്രിയിലും രോഗം മൂർച്ഛിച്ചതിനെ തുടർന്ന് ദോഹ ഹമദ് ആശുപത്രിയിലും ചികിത്സയിലായിരുന്നു. ചൊവ്വാഴ്ച വെളുപ്പിനായിരുന്നു അന്ത്യം.
കഴിഞ്ഞ നാൽപത് വർഷത്തിലേറെയായി ദോഹയിലെ ക്യൂ.സി.സി കമ്പനിയിൽ പി.ആർ.ഒ ആയി ജോലി ചെയ്യുകയായിരുന്നു.ദോഹയിലെ ടെക്നോ മൊബൈലിൽ ജോലി ചെയ്യുന്ന മകനും കുടുംബവും നാട്ടിലാണ്. ഭാര്യ : സാറ ഉമ്മ. മക്കൾ : ശിഹാബുദ്ധീൻ (ദോഹ),സക്കീന,ഫൗസിയ,നുഷീദ,സഫിയ. സഹോദരൻ കുഞ്ഞിബാവ ഖത്തറിലുണ്ട്.മൃതദേഹം കോവിഡ് പ്രോട്ടോക്കോൾ പ്രകാരം ദോഹയിൽ ഖബറടക്കും.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക