March 22, 2020
March 22, 2020
ദോഹ : കോവിഡ് വ്യാപനം ഗൾഫ് രാഷ്ട്രങ്ങളെ പ്രതിയിലാക്കുമ്പോൾ എല്ലാ ഗൾഫ് രാജ്യങ്ങളും ഭിന്നതകൾ മറന്ന് ഒറ്റക്കെട്ടായി നിൽക്കണമെന്ന് ഖത്തർ മുൻ പ്രധാനമന്ത്രി ശൈഖ് ഹമദ് ബിന്‍ ജാസിം ബിന്‍ ജാബര്‍ അല്‍താനി ആവശ്യപ്പെട്ടു. ജിസിസി നേതാക്കള്‍ ഒന്നിച്ചിരുന്ന് കോവിഡിനെ നേരിടുന്നതിനുള്ള മാര്‍ഗങ്ങള്‍ ആവിഷ്കരിക്കണം. ഒപ്പം സാമൂഹ്യ സാമ്പത്തിക രാഷ്ട്രീയ മേഖലകളില്‍ രോഗം സൃഷ്ടിക്കാനിടയുള്ള പ്രത്യാഘാതങ്ങളെ കുറിച്ചും ഗൌരവത്തിലുള്ള ചര്‍ച്ചകള്‍ നടത്തണം. ട്വിറ്ററിലൂടെയാണ് അദ്ദേഹം ഇക്കാര്യം ആവശ്യപ്പെട്ടത്.
‘’എപ്പോള്‍ എങ്ങനെ ഈ രോഗത്തെ നിയന്ത്രിക്കാനാകുമെന്ന കാര്യത്തില്‍ നമുക്കൊരു ഉറപ്പുമില്ല,പക്ഷെ ഉറപ്പുള്ള കാര്യം ആഗോള ആരോഗ്യ സാമ്പത്തിക രാഷ്ട്രീയ മേഖലയില്‍ കോവിഡ് വന്‍ ആഘാതമേല്‍പ്പിക്കാന്‍ പോകുന്നുവെന്നതാണ്.’’
കോവിഡ്-19 ന് മുമ്പും ശേഷവും എന്ന രീതിയില്‍ ലോകത്തെ ചരിത്രകാരന്മാര്‍ വിലയിരുത്തുമെന്നും അദ്ദേഹം അഭിപ്രായപ്പെട്ടു. തന്‍റെ ആവശ്യം ഖത്തറിനെതിരായ ഉപരോധം പിന്‍വലിക്കാനുള്ള തന്ത്രമാണെന്ന രീതിയില്‍ കാണരുതെന്നും മുൻ പ്രധാനമന്ത്രി ട്വീറ്റ് ചെയ്തു.
ന്യൂസ്‌റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
