April 14, 2023
April 14, 2023
ന്യൂസ്‌റൂം ബ്യൂറോ
റിയാദ്: വിമാനം വൈകിയാല്‍ യാത്രക്കാര്‍ക്ക് നഷ്ടപരിഹാരം നല്‍കേണ്ടി വരുമെന്ന് സൗദി അതോറിറ്റി ഓഫ് സിവില്‍ ഏവിയേഷന്‍. നിശ്ചയിച്ച സമയത്തില്‍ നിന്നും വൈകി പുറപ്പെടുന്ന വിമാന കമ്പനികളോട് ആദ്യ മണിക്കൂറുകളില്‍ തന്നെ യാത്രക്കാര്‍ക്ക് ആവശ്യങ്ങള്‍ ഉന്നയിക്കാമെന്നും ഗാക്ക വ്യക്തമാക്കി.
വിമാനം നിശ്ചയിച്ച സമയത്തില്‍ നിന്നും വൈകുന്നത് വഴി യാത്രക്കാര്‍ക്കുണ്ടാകുന്ന ബുദ്ധിമുട്ടുകള്‍ ലഘൂകരിക്കുന്നതിന്റെ ഭാഗമായാണ് നടപടി. ടേക്ക് ഓഫ് നേരത്തെ നിശ്ചയിച്ചതിലും ഒരു മണിക്കൂറിലധികം വൈകിയാല്‍ യാത്രക്കാര്‍ക്ക് പാനിയങ്ങളും റീഫ്രഷ്‌മെന്റുകളും വിമാന കമ്പനി അധികൃതരോട് ആവശ്യപ്പെടാമെന്ന് ഗാക്ക അറിയിച്ചു.
മൂന്നു മണിക്കൂര്‍ വൈകിയാല്‍ സമയത്തിനനുയോജ്യമായ ഭക്ഷണമോ പണമോ ആവശ്യപ്പെടാം. ടേക്ക് ഓഫ് ആറു മണിക്കൂറോ അതിലധികമോ വൈകിയാല്‍ ഹോട്ടല്‍ താമസവും ഹോട്ടലിലേക്കും എയര്‍പോട്ടിലേക്കുമുള്ള യാത്രാ ചിലവും വിമാനക്കമ്പനികളോട് ആവശ്യപ്പെടാമെന്നും ഗാക്ക വ്യക്തമാക്കി. ഇത് അംഗീകരിക്കാത്ത വിമാന കമ്പനികള്‍ക്കെതിരെ ഗാക്കയെ സമീപിക്കാമെന്നും അതോറിറ്റി വ്യക്തമാക്കി.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
