March 02, 2021
March 02, 2021
മലപ്പുറം: വരാനിരിക്കുന്ന മലപ്പുറം ലോക്സഭാ ഉപതെരഞ്ഞെടുപ്പിൽ ബിജെപി സ്ഥാനാർത്ഥിയായി എ.പി അബ്ദുള്ളക്കുട്ടിയുടെ പേര് പരിഗണയിൽ. മുസ്ലിം ലീഗ് ദേശീയ ജനറൽ സെക്രട്ടറിയും മുൻ എംപിയുമായ പി.കെ കുഞ്ഞാലിക്കുട്ടി സംസ്ഥാന രാഷ്ട്രീയത്തിലേക്ക് തിരിച്ചുവരുന്നതിന്‍റെ ഭാഗമായി എംപി സ്ഥാനം രാജിവെച്ച ഒഴിവിലേക്കാണ് വീണ്ടും ഏപ്രിൽ ആറിന് സംസ്ഥാനത്ത് നടക്കുന്ന നിയമസഭാ തിരഞ്ഞെടുപ്പിനൊപ്പം മലപ്പുറം ലോക്സഭാ ഉപതെരഞ്ഞെടുപ്പ് നടക്കുന്നത്.
എൻ.ഡി.എ നേതൃത്വം അബ്ദുല്ലക്കുട്ടിയെ സ്ഥാനാര്ഥിയാക്കിയാൽ ഇരു കയ്യും നീട്ടി സ്വീകരിക്കുമെന്ന് ബി.ജെ.പി ജില്ലാ പ്രസിഡന്റ് രവി തേലത്ത് പറഞ്ഞു.മലപ്പുറം ലോക്സഭാ ഉപതെരഞ്ഞെടുപ്പിൽ കുഞ്ഞാലിക്കുട്ടിക്കെതിരെയുള്ള വോട്ടർമാരെ കൂടെ നിർത്താനാണ് ബി,ജെ,പി ഇതിലൂടെ ശ്രമിക്കുന്നത്.
എല്ലാ രാഷ്ട്രീയ പാർട്ടികളുടെയും സ്ഥാനാർഥി നിർണയ ചർച്ചകൾ അവസാനഘട്ടത്തിലാണ്. ഈ സാഹചര്യത്തിലാണ് മലപ്പുറം ലോക്സഭ ഉപതെരഞ്ഞെടുപ്പിൽ എ.പി അബ്ദുള്ളക്കുട്ടി സ്ഥാനാർഥിയായി മത്സരിക്കും എന്നുള്ള വാർത്തകൾ പുറത്തുവരുന്നത്. അതെ സമയം നിയമസഭാതിരഞ്ഞെടുപ്പിൽ ഞാൻ മത്സരിക്കാനില്ലെന്നും തനിക്ക് ലക്ഷദ്വീപിന്‍റെ ചുമതല ആണെന്നും അദ്ദേഹം നേരത്തെ തന്നെ ഒരു സ്വകാര്യ ഓൺലൈൻ മാധ്യമത്തിന് നൽകിയ അഭിമുഖത്തിൽ പറഞ്ഞിരുന്നു. മുസ്ലിം ലീഗിന് പുറത്തുനിന്നുള്ള ജനപ്രതിനിധിക്കൾ ഇത് വരെ മലപ്പുറം മണ്ഡലത്തിൽ ഇതുവരെ ഉണ്ടായിട്ടില്ല.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ ആൻഡ്രോയിഡ് ആപ് ഡൌൺലോഡ് ചെയ്യുക.
NewsRoom Connect
Download From Playstore Now:
https://play.google.com/store/apps/details?id=com.friggitello.newsroom_qatar_user
വാർത്തകൾ അറിയിക്കാനും പരസ്യങ്ങൾക്കും വാട്സ്ആപ് ചെയ്യുക : 00974 66200 167
