December 17, 2022
December 17, 2022
ന്യൂസ്‌റൂം ബ്യുറോ
ദോഹ : ലോക കായിക പ്രേമികൾ ആവേശത്തോടെ ഉറ്റുനോക്കുന്ന ഡിസംബർ 18 ന് നടക്കുന്ന അർജന്റീനയും ഫ്രാൻസും തമ്മിലുള്ള ലോകക്കപ്പ് ഫൈനലിന്റെ തത്സമയ എക്സ്ക്ലൂസീവ് കവറേജ് ബി-ഇൻ(beIN)സ്പോർട്സിന്റെ യൂട്യൂബ്, ഫ്രീ-ടു-എയർ ചാനലിൽ ലഭ്യമാകും. അറബ് ലോകത്ത് നടക്കുന്ന ആദ്യ ലോകകപ്പ് ആയതിനാൽ തന്നെ മിഡിൽ ഈസ്റ്റിലെയും നോർത്ത് ആഫ്രിക്കയിലെയും പ്രേക്ഷകർക്ക് ബഹുഭാഷാ കവറേജ് ഉൾപ്പെടെയാണ് അന്നേ ദിവസം സൗജന്യ മുഴുദിന സംപ്രേഷണം ലഭ്യമാവുക.
മിഡിൽ ഈസ്റ്റ് - നോർത്ത് ആഫ്രിക്ക (MENA) യിലുടനീളമുള്ള 24 രാജ്യങ്ങളിലെ ഔദ്യോഗിക ബ്രോഡ്‌കാസ്റ്ററായ beIN കഴിഞ്ഞ ഒരു മാസമായി തകർപ്പൻ ദൃശ്യനുഭവമാണ് മേഖലയിലെ ആരാധകർക്ക് നൽകി കൊണ്ടിരിക്കുന്നത്. 5 ബില്ല്യണിലധികം കാഴ്ചക്കാരാണ് ഇതുവരെ ഈ സേവനം ഉപയോഗപ്പെടുത്തിയത്.
മൂന്നാം ലോകകപ്പ് കിരീടത്തിന് വേണ്ടി മത്സരിക്കുന്ന അർജന്റീനയും ഫ്രാൻസും തമ്മിലുള്ള ഞായറാഴ്ചത്തെ മത്സരം, ചരിത്രത്തിൽ ഏറ്റവുമധികം ആളുകൾ വീക്ഷിക്കുന്ന കായിക ഇനങ്ങളിൽ ഒന്നായിരിക്കുമെന്ന് കരുതപ്പെടുന്നു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/GNnAPz2ISv601MKXQvNitL എന്ന ലിങ്കിൽ ജോയിൻ ചെയ്യുക
