March 26, 2022
March 26, 2022
റിയാദ് : യമനിലെ വിമതസംഘമായ ഹൂതികൾ സൗദിക്ക് നേരെ വീണ്ടും ആക്രമണം നടത്തി. വെള്ളിയാഴ്ച പുലർച്ചെ ഒൻപത് ഡ്രോണുകളാണ് സൗദിയിലെ വിവിധ കേന്ദ്രങ്ങൾ ലക്ഷ്യമാക്കി ഹൂതികൾ അയച്ചത്. എന്നാൽ, സ്ഫോടനവസ്തുക്കൾ നിറച്ചെത്തിയ ഈ ഡ്രോണുകൾ, ആകാശത്തുവെച്ച് തന്നെ വെടിവെച്ചിടാൻ കഴിഞ്ഞതായി സഖ്യസേന അറിയിച്ചു.
ഇത്തവണയും ഊർജ്ജസംഭരണകേന്ദ്രങ്ങളും, സിവിലിയന്മാർ തിങ്ങിപ്പാർക്കുന്ന പ്രദേശങ്ങളും ആക്രമിക്കാനാണ് ഹൂതികൾ പദ്ധതിയിട്ടത്. സഖ്യസേനയുടെ കൃത്യമായ ഇടപെടൽ ഇല്ലായിരുന്നുവെങ്കിൽ വലിയ ദുരന്തമായിരുന്നു സൗദിയെ കാത്തിരിക്കുന്നത്. സമാധാനശ്രമങ്ങളോട് മുഖം തിരിക്കുന്ന ഹൂതികൾ, ആക്രമണത്തിലൂടെ പ്രശ്നം പരിഹരിക്കാനാണ് ശ്രമിക്കുന്നതെന്ന് സഖ്യസേന കമാൻഡർ കുറ്റപ്പെടുത്തി. യമനിലെ സമാധാനചർച്ചകൾക്ക് സൗദി അറേബ്യ പരിപൂർണ പിന്തുണ അറിയിച്ചിട്ടുണ്ട്.