November 05, 2021
November 05, 2021
റിയാദ് : പരീക്ഷകൾ എഴുതാൻ അവധി എടുക്കുന്ന തൊഴിലാളികൾക്ക് ആ ദിവസത്തെ ശമ്പളത്തിന് അവകാശമുണ്ടെന്ന് സൗദി മാനവശേഷി-സാമൂഹികവികസന മന്ത്രാലയം വ്യക്തമാക്കി. ഇതിനായി പരീക്ഷയുടെ 15 ദിവസം മുൻപെങ്കിലും തൊഴിലുടമയ്ക്ക് അപേക്ഷ സമർപ്പിക്കണം. തൊഴിലാളിയുടെ വാർഷികഅവധിയിൽ നിന്നും ഈ അവധി കുറയ്ക്കാമെന്നും മന്ത്രാലയം നിർദേശിച്ചു. അതേസമയം, പരീക്ഷ എഴുതണമെന്ന ആവശ്യമുയർത്തി അവധി എടുത്ത ശേഷം പരീക്ഷ എഴുതിയിട്ടില്ല എന്ന് തെളിഞ്ഞാൽ തൊഴിലാളിക്ക് എതിരെ അച്ചടക്കനടപടികൾ സ്വീകരിക്കാനുള്ള അവകാശം തൊഴിലുടമയ്ക്കുണ്ട്. അതോടൊപ്പം, ആ ദിവസത്തെ വേതനം നിഷേധിക്കുകയും ചെയ്യാമെന്നും മന്ത്രാലയം അറിയിച്ചു.