October 04, 2019
October 04, 2019
വാഷിങ്ടണ്‍: ലോക വ്യാപാര സംഘടനയില്‍ സൗദി അറേബ്യയ്‌ക്കെതിരെ ഖത്തര്‍ സമര്‍പ്പിച്ച ഹരജിയില്‍ വാദം കേൾക്കൽ പൂര്‍ത്തിയായി. ഖത്തര്‍ കമ്പനികളുടെ ബൗദ്ധിക സ്വത്തുക്കളുടെ സംരക്ഷണവുമായി ബന്ധപ്പെട്ട പരാതിയിലെ വാദം കേള്‍ക്കലാണ് ഇന്നലെയോടെ അവസാനിച്ചത്.രാജ്യാന്തര നീതിന്യായ കോടതിയിലെ ഖത്തറിന്റെ അണ്ടര്‍ സെക്രട്ടറി ഡോ. മുഹമ്മദ് ബിന്‍ അബ്ദുല്‍ അസീസ് അല്‍ഖുലൈഫിയാണ് ഇക്കാര്യം അറിയിച്ചു കൊണ്ട് ട്വീറ്റ് ചെയ്തത്.
ചാനല്‍ സംപ്രേഷണ അവകാശം ലംഘിച്ചതും ചോരണം നടത്തിയതും ബൗദ്ധിക സ്വത്തവകാശ നിയമങ്ങളുടെ ലംഘനവും ചൂണ്ടിക്കാട്ടിയുള്ളതാണ് സൗദിക്കെതിരായ കേസ്. കഴിഞ്ഞ ഏപ്രിലിലാണ് ഖത്തര്‍ വാണിജ്യ-വ്യവസായ മന്ത്രാലയം ലോകവ്യാപാര സംഘടനയുടെ തർക്ക പരിഹാര സമിതിക്ക് മുന്നിൽ 112 പേജുള്ള ഡിഫന്‍സ് മെമോറാണ്ടം സമര്‍പ്പിച്ചത്.
