May 31, 2020
May 31, 2020
ദോഹ : വന്ദേ ഭാരത് മിഷന്റെ ഭാഗമായി 64 കൈക്കുഞ്ഞുങ്ങൾ ഉൾപെടെ 2322 ഇന്ത്യക്കാർ ഇതുവരെ നാട്ടിലേക്ക് മടങ്ങിയതായി ദോഹയിലെ ഇന്ത്യൻ എംബസി അറിയിച്ചു.മൂന്ന് ഘട്ടങ്ങളിലായി ഇതുവരെ പതിനാല് പ്രത്യേക വിമാനങ്ങളാണ് ഇന്ത്യയിലേക്ക് സർവീസ് നടത്തിയത്.ഇതിൽ ഏഴെണ്ണം കേരളത്തിലേക്കായിരുന്നു. ഇന്ന് പഞ്ചാബിലെ അമൃത്സറിലേക്കും കശ്മീരിലെ ശ്രീനഗറിലേക്കുമുള്ള 154 യാത്രക്കാരുമായി ഒരു എയർ ഇന്ത്യ വിമാനമാണ് നാട്ടിലേക്ക് ഇന്ത്യയിലേക്ക് പോയത്. ജൂൺ രണ്ടിന് കൊച്ചിയിലേക്കും മൂന്നിന് തിരുവനന്തപുരത്തേക്കും നാലിന് കണ്ണൂരിലേക്കുമാണ് ഇനി കേരളത്തിലേക്ക് സർവീസുകളുള്ളത്.
അതെസമയം,ഗുരുതരമായ അസുഖങ്ങളുള്ള രോഗികളും ഗർഭിണികളും ഉൾപെടെ അർഹരായ നിരവധി പേർ നാട്ടിലേക്ക് മടങ്ങാനാവാതെ കാത്തിരിക്കുന്നതിനിടെ പണവും സ്വാധീനവുമുള്ള നിരവധി പേരാണ് പ്രത്യേകിച്ച് ഒരു കാരണവുമില്ലാതെ കുടുംബ സമേതം നാട്ടിലേക്ക് പോയത്.ഖത്തറിലെ ചില പ്രമുഖ സ്ഥാപനങ്ങൾ ജീവനക്കാരുടെ ഭക്ഷണവും താമസവും ഉൾപെടെയുള്ള ബാധ്യതകൾ ഒഴിവാക്കാൻ വന്ദേ ഭാരത് ദൗത്യത്തെ വൻ തോതിൽ ദുരുപയോഗം ചെയ്യുന്നതായും ആരോപണമുണ്ട്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക