June 14, 2020
June 14, 2020
ദോഹ : വന്ദേ ഭാരത് മിഷന്റെ ഭാഗമായി ഞായറാഴ്ച ഉച്ചക്ക് ദോഹയിൽ നിന്ന് കണ്ണൂരിലേക്ക് പോകേണ്ടിയിരുന്ന വിമാനം അനിശ്ചിതമായി വൈകുന്നു.ഉച്ചയ്ക്ക് 2.45ന് പുറപ്പെടേണ്ടിയിരുന്ന ഐ.എക്സ് 1774 വിമാനമാണ് താത്കാലികമായി മുടങ്ങിയത്. സാങ്കേതിക തകരാറാണ് കാരണമായി പറയുന്നത്.വിമാനം എപ്പോൾ പുറപ്പെടുമെന്നത് സംബന്ധിച്ച് ഇപ്പോഴും യാത്രക്കാർക്ക് കൃത്യമായ വിവരം ലഭിച്ചിട്ടില്ല.വൈകീട്ട് 5.30 ഓടെ വിമാനം പുറപ്പെടുമെന്ന് എയർ ഇന്ത്യയുമായി ബന്ധപ്പെട്ട ചില ജീവനക്കാർ പറഞ്ഞതായി ഒരു യാത്രക്കാരി ന്യൂസ്‌റൂമിനെ അറിയിച്ചു.
കൈക്കുഞ്ഞുങ്ങളും ഗർഭിണികളും രോഗികളും ഉൾപെടെ 180 ഓളം യാത്രക്കാരാണ് വിമനത്താവളത്തിൽ ഉള്ളത്.നാല് മണിക്കൂർ മുമ്പ് എത്തണമെന്ന് അറിയിച്ചതിനാൽ രാവിലെ പത്തു മണിക്ക് മുമ്പ് തന്നെ വിമാനത്താവളത്തിലെത്തിയവരാണ് ഇവരിൽ ഭൂരിഭാഗവും.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
