August 29, 2020
August 29, 2020
അബുദാബി : യു.എ.ഇക്കും ഇസ്രായേലിനുമിടയിൽ സമാധാന കരാർ നിലവിൽ വന്നതോടെ ഇസ്രായേൽ ഉൽപന്നങ്ങൾക്ക് ഏർപ്പെടുത്തിയിരുന്ന വിലക്ക് യു.എ.ഇ പിൻവലിച്ചു. ഫലസ്തീൻ സമാധാന കരാറിന്റെ ഭാഗമായി 1972 മുതൽ നിലവിലുള്ള വിലക്ക് നീക്കിക്കൊണ്ടുള്ള ഫെഡറൽ ഉത്തരവ് പ്രസിഡണ്ട് ഷെയ്ഖ് ഖലീഫ ബിൻ സായിദ് അൽ നഹ് യാൻ പുറപ്പെടുവിച്ചത്. ഇതോടെ, ഇസ്രയേൽ കമ്പനികളുടെ ഉൽപ്പന്നങ്ങൾ യു.എ.ഇയിൽ കൊണ്ടുവരാനും കൈവശം വെക്കാനും കൈമാറാനും സാധിക്കും.
അര നൂറ്റാണ്ടോളം നിലനിന്ന ബഹിഷ്‌കരണ നിയമം എടുത്തുമാറ്റുന്നതോടെ യു.എ.ഇയിൽ നിന്നുള്ള വ്യക്തികൾക്കും കമ്പനികൾക്കും ഇസ്രയേൽ പൗരന്മാരുമായും വ്യക്തികളുമായും കമ്പനികളുമായും വാണിജ്യ-വ്യവസായ കരാറുകൾ ഉണ്ടാക്കാനും യോജിച്ചു പ്രവർത്തിക്കാനും കഴിയും.
ഇതിനിടെ,അടുത്ത തിങ്കളാഴ്ച ഇരു രാജ്യങ്ങൾക്കുമിടയിൽ വാണിജ്യ വിമാനസർവീസുകൾ ആരംഭിക്കാനും തീരുമാനിച്ചിട്ടുണ്ട്.
ന്യൂസ്‌റൂം വാർത്തകൾ ടെലഗ്രാമിൽ ലഭിക്കാൻ ഈ ലിങ്കിൽ ചേരുക.വാർത്തകൾ വാട്സ്ആപ്പിൽ ലഭിക്കാൻ +974 66200167 എന്ന നമ്പറിൽ ബന്ധപ്പെടുക.
