December 24, 2021
December 24, 2021
റിയാദ് : 12 വയസുകാരൻ ഓടിച്ച കാർ ഉണ്ടാക്കിയ അപകടത്തിൽ രണ്ട് മരണം. റിയാദ് അൽനസീം ഡിസ്ട്രിക്ടിലെ അൽഅർബയീൻ റോഡിലാണ് അപകടം നടന്നത്. റോഡ് സൈഡിലൂടെ നടക്കുകയായിരുന്നു രണ്ട് പെൺകുട്ടികളാണ് അപകടത്തിൽ മരണപ്പെട്ടത്.
ഇവർക്കൊപ്പമുണ്ടായിരുന്ന മാതാവിനും, ബന്ധുക്കളായ രണ്ട് വനിതകൾക്കും സംഭവത്തിൽ പരിക്കേറ്റിട്ടുണ്ട്. നസ്രീൻ അൽനൗഫലെന്ന അധ്യാപികയുടെ രണ്ട് പെണ്മക്കൾക്കാണ് ജീവൻ നഷ്ടമായത്. നിയന്ത്രണം വിട്ട കാർ മറ്റൊരു വാഹനത്തിൽ ഇടിച്ച ശേഷം ഇവരുടെ മേലേക്ക് പാഞ്ഞുകയറുകയായിരുന്നു. അപകടത്തിന്റെ ദൃശ്യങ്ങൾ സമീപത്തെ സിസിടീവിയിൽ പതിഞ്ഞിട്ടുണ്ട്. അപകടത്തിന് കാരണക്കാരനായ ആളെ അറസ്റ്റ് ചെയ്ത് കടുത്ത ശിക്ഷ നൽകണമെന്ന ആവശ്യം സമൂഹമാധ്യമങ്ങളിൽ ഉയരുകയാണ്.