May 09, 2020
May 09, 2020
തിരുവനന്തപുരം : ഗൾഫിൽ നിന്നും കേരളത്തിൽ എത്തിയ രണ്ടു പേർക്ക് കൊവിഡ് സ്ഥിരീകരിച്ചു. മേയ് ഏഴിന് അബുദാബിയില് നിന്നും ദുബായില് നിന്നും എത്തിയവരില് ഓരോരുത്തര്ക്ക് വീതമാണ് രോഗം സ്ഥിരീകരിച്ചതെന്ന് മുഖ്യമന്ത്രി പിണറായി വിജയന് വാര്ത്താ സമ്മേളനത്തില് പറഞ്ഞു. കൊവിഡ് രോഗികളുടെ എണ്ണം സംസ്ഥാനത്ത് ക്രമാതീതമായി ഉയര്ന്നാല് കൂടുതല് ആശുപത്രികള് അടക്കമുള്ള വിപുലമായ സംവിധാനമൊരുക്കുമെന്നും മുഖ്യമന്ത്രി പറഞ്ഞു. അതേസമയം കൂടുതല് പ്രവാസികള്ക്ക് രോഗം സ്ഥിരീകരിച്ചേക്കാമെന്ന ആശങ്കയും ഉയരുന്നുണ്ട്.
തിരിച്ചെത്തുന്ന പ്രവാസികള്ക്ക് ആവശ്യമായ സൗകര്യമൊരുക്കുന്നതിനായി എല്ലാ ജില്ലകളിലും നോഡല് ഓഫീസര്മാരെ നിയോഗിച്ചിട്ടുണ്ട്. യുദ്ധകാല അടിസ്ഥാനത്തില് നടപടികള് ഏകോപിപ്പിക്കുന്നതും ക്വാറന്റൈന് സംവിധാനങ്ങള് ഒരുക്കുന്നതും ഇവരുടെ നേതൃത്വത്തിലാണ്. 207 സര്ക്കാര് ആശുപത്രികളെ ചികിത്സയ്ക്കായി സജ്ജമാക്കിയമാക്കിയിട്ടുണ്ട്. ആവശ്യമെങ്കില് 125 സ്വകാര്യ ആശുപത്രികളില് കൂടി ചികിത്സാസംവിധാനം ഒരുക്കുമെന്നും മുഖ്യമന്ത്രി പറഞ്ഞു.രോഗികളുടെ എണ്ണം ക്രമാതീതമായി വര്ദ്ധിച്ചാല് 27 ആശുപത്രികളെ സമ്പൂര്ണ കൊവിഡ് കെയര് സെന്ററുകളാക്കി മാറ്റുമെന്നും മുഖ്യമന്ത്രി കൂട്ടിച്ചേർത്തു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.