August 09, 2022
August 09, 2022
തായിഫ് : സൗദിയിലെ തായിഫ് അൽ-സെയിൽ റോഡിൽ നിയന്ത്രണം നഷ്ടപ്പെട്ട വാഹനം അപകടത്തിൽ പെട്ട് മൂന്ന് യുവാക്കൾ വെന്തുമരിച്ചു.തായിഫ് സിവിൽ ഡിഫൻസ് വക്താവ് കേണൽ നാസർ അൽ-ഷരീഫിനെ ഉദ്ദരിച്ച് സൗദി ഗസറ്റ് ആണ് ഇക്കാര്യം റിപ്പോർട്ട് ചെയ്തത്. അപകടത്തിൽ പെട്ട കാർ കൊക്കയിലേക്ക് മറിഞ്ഞതായും റിപ്പോർട്ട് ഉണ്ട്..സിവിൽ ഡിഫൻസ് വിഭാഗം നടത്തിയ തെരച്ചിലിലാണ് മൂന്ന് മൃതദേഹങ്ങളും കണ്ടെത്തിയത്.ഒരാളുടെ മൃതദേഹം ഇന്ന് രാവിലെയോടെയാണ് കണ്ടെത്തിയത്.ഇവർ ഏതു രാജ്യക്കാരാണെന്ന് റിപ്പോർട്ടിൽ വ്യക്തമാക്കിയിട്ടില്ല.
രാജ്യത്തിന്റെ വിവിധ ഭാഗങ്ങളിൽ കാലാവസ്ഥാ വ്യതിയാനം മൂലം മഴയും ഇടിമിന്നലുമുണ്ടാകുമെന്നും യാത്രക്കാർ പ്രത്യേകം ജാഗ്രത പാലിക്കണമെന്നും അധികൃതർ മുന്നറിയിപ്പ് നൽകി.അടുത്ത വെള്ളിയാഴ്ച്ച വരെയാണ് മഴ പ്രവചിച്ചിരിക്കുന്നത്.
ന്യൂസ്റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597