Breaking News
കർഷകർ ചെങ്കോട്ടക്കു മുകളിൽ പതാക നാട്ടി,ഇന്ത്യയ ഗേറ്റിലേക്ക് നീങ്ങുമെന്ന് കർഷകർ  | ദില്ലിയിൽ സ്ഥിതി യുദ്ധസമാനം,നഗരമധ്യത്തിൽ കർഷകരും പോലീസും ഏറ്റുമുട്ടുന്നു | വോഡഫോണ്‍ ഖത്തര്‍ പുഷ്-ടു-ടോക്ക് പ്ലസ് സേവനം ആരംഭിച്ചു | ഏഷ്യന്‍, ആഫ്രിക്കന്‍ രാജ്യങ്ങളില്‍ ശാഖകള്‍ തുറക്കാന്‍ ഖത്തര്‍ സര്‍വ്വകലാശാല | കോവിഡ് പ്രതിരോധത്തിൽ സൗദിക്ക് ഇന്ത്യയുടെ സഹായം, ആസ്ട്രാസെനക്ക വാക്‌സിന്റെ 30 ലക്ഷം ഡോസുകള്‍ സൗദിയിലേക്ക്  | ഖത്തർ ഇന്ത്യൻ എംബസിയിൽ റിപ്പബ്ലിക് ദിനാഘോഷം,ഇന്ത്യൻ അംബാസിഡർ പതാക ഉയർത്തി | റിയാദിനെ ലക്ഷ്യമിട്ടുള്ള ആക്രമണങ്ങളെ അപലപിച്ച് ഖത്തര്‍ | കെ.സുരേന്ദ്രന്റെ മകളുടെ ചിത്രത്തില്‍ അശ്ലീല കമന്റ്, ഖത്തർ പ്രവാസിക്കെതിരെ ഇന്ത്യന്‍ എംബസിയില്‍ പരാതി | ദോഹയിലെ സൗദി എംബസി തുറക്കുന്നു,സാങ്കേതിക വിഭാഗം ദോഹയിൽ എത്തി | പൊതുപ്രവർത്തകനും ദുബായ് കെ.എം.സി.സി മുതിർന്ന നേതാവുമായ വി.വി മഹമൂദ് നിര്യാതനായി |
കൊറന്റൈൻ നിബന്ധന തടസ്സമാവുന്നു,അബു സാമ്ര അതിർത്തി തുറന്നെങ്കിലും റോഡ് വഴിയുള്ള ചരക്കുനീക്കത്തിന് സമയമെടുക്കും

January 11, 2021

January 11, 2021

ദോഹ: മൂന്നര വർഷത്തെ ഇടവേളയ്ക്ക് ശേഷം അബു സാമ്ര അതിർത്തി തുറന്നെങ്കിലും സൌദിയിൽ നിന്നും യു.എ.ഇയിൽ നിന്നും റോഡ് മാർഗ്ഗം ഖത്തറിലേക്ക് ചരക്ക് ഗതാഗതം തുടങ്ങിയില്ല.അതിർത്തി വഴി വരുന്നവർക്ക് ഹോട്ടൽ ക്വാറന്റൈൻ നിർബന്ധമാക്കിയതാണ് കാരണം.

അബു സമ്ര അതിർത്തി വഴി ഖത്തറിലേക്ക് പ്രവേശിക്കുന്നവർ കൊവിഡ് നെഗറ്റീവ് സർട്ടിഫിക്കറ്റ് ഹാജരാക്കിയിരിക്കണമെന്ന് കഴിഞ്ഞ ദിവസം ഗവണ്മെന്റ് കമ്മ്യൂണിക്കേഷൻ ഓഫീസ് അറിയിച്ചിരുന്നു. അതിർത്തി കടക്കുന്നതിന് 72 മണിക്കൂർ മുൻപെങ്കിലും നേടിയ കൊവിഡ് സർട്ടിഫിക്കറ്റാണ് ഹാജരാക്കേണ്ടതെന്ന് അധികൃതർ അറിയിച്ചിട്ടുണ്ട്.കൂടാതെ അതിർത്തി കടന്നെത്തുന്നവർ ഒരാഴ്ച്ച നിർബന്ധിത ഹോട്ടൽ ക്വാറൻറൈനിൽ പോവണമെന്നും സർക്കാർ വ്യക്തമാക്കിയിരുന്നു. യാത്രയ്ക്ക് മുൻപായി ഡിസ്ക്കവർ ഖത്തറിൻറെ വെബ്സൈറ്റിലൂടെ മുൻകൂറായി ഹോട്ടൽ മുറികൾ ബുക്ക് ചെയ്യണം.

സൌദി അറേബ്യയിൽ നിന്നും ഖത്തറിലേക്ക് ചരക്കുമായി എത്തുന്ന ട്രക്ക് ഡ്രൈവർമാരും അവരുടെ സഹായികളും ഒരാഴ്ച്ചത്തേക്ക് നിർബന്ധിത ഹോട്ടൽ ക്വാറൻറൈനിൽ പോവണമെന്ന നിർദേശം ചെലവ് കൂട്ടുമെന്ന പരാതിയാണ് പരക്കെ ഉയർന്നിട്ടുള്ളത്. കൂടാതെ ചരക്ക് നീക്കത്തിൽ പ്രായോഗികമായ ബുദ്ധിമുട്ട് സൃഷ്ടിക്കാനും ഇത് ഇടയാക്കുമെന്ന് പലരും പരാതിപ്പെടുന്നു.

അതേസമയം ചരക്കു സാധനങ്ങൾ കപ്പൽ വഴി അയക്കാം എന്നത് വ്യാപാരികൾക്ക് ആശ്വാസം നൽകുന്നു.

കാർഗോ സാധനങ്ങൾ റോഡ് മാർഗം എത്തിക്കാൻ ശ്രമിക്കുന്നവർക്ക് ഹോട്ടൽ ക്വാറൻറൈനിൽ പ്രവേശിക്കണം എന്ന നിർദേശം വലിയ സാമ്പത്തിക ബാധ്യത ഉണ്ടാക്കും. ഒരു ട്രെയിലർ വാഹനത്തിൽ ചരക്ക് എത്തിക്കുന്ന ഡ്രൈവറുടെ ഹോട്ടൽ ക്വാറൻറൈൻ ചെലവിനായി ഏകദേശം 2,000 റിയാൽ നൽകണം. അയാൾക്കൊപ്പം സഹായിയുണ്ടെങ്കിൽ അദ്ദേഹത്തിനും ഇതേ തുക ക്വാറൻറൈനിനായി ചെലവാക്കണം. ഇത് കനത്ത സാമ്പത്തിക ബാധ്യതയുണ്ടാക്കും.ഇക്കാരണങ്ങളാൽ റോഡ് വഴിയുള്ള ചരക്കു ഗതാഗതത്തിന് ഇനിയും സമയമെടുക്കുമെന്നാണ് ബന്ധപ്പെട്ടവർ അറിയിക്കുന്നത്.
ന്യൂസ്‌റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ ബന്ധപ്പെടുക
 


ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക

Latest Related News