October 16, 2021
October 16, 2021
റിയാദ് : വിദ്യാർത്ഥികൾക്ക് മുന്നിൽ ക്ലാസ് എടുത്തുകൊണ്ടിരിക്കെ അധ്യാപിക കുഴഞ്ഞുവീണു മരിച്ചു. അൽ സുവൈദി ഡിസ്ട്രിക്ടിലെ ഹയർസെക്കന്ററി സ്കൂളിലാണ് ദാരുണസംഭവം അരങ്ങേറിയത്. ശൈഖ അൽമവാശ് എന്ന അധ്യാപികയാണ് മരണപ്പെട്ടത്.
ഖുർആൻ പിരീഡിൽ ഖുർആൻ പാരായണം ചെയ്യവെയാണ് അധ്യാപിക കുഴഞ്ഞുവീണതെന്ന് വിദ്യാർത്ഥികൾ അറിയിച്ചു. മറ്റ് അധ്യാപികമാരും സ്കൂൾ അധികൃതരും റെഡ് ക്രോസിന്റെ സഹായത്തോടെ അധ്യാപികയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. എല്ലാ തിങ്കൾ വ്യാഴം ദിവസങ്ങളിലും മകൾ വ്രതം അനുഷ്ഠിക്കാറുണ്ടായിരുന്നുവെന്നും, വ്രതശുദ്ധിയോടെയാണ് മകൾ ഇഹലോകം വെടിഞ്ഞതെന്നും, അധ്യാപികയുടെ പിതാവും, സൗദി ഗ്രാന്റ് മുഫ്തി ഓഫീസിലെ മുൻ ഉപദേഷ്ടാവ് കൂടിയായ അബ്ദുൾ അസീസ് അതീഖ് അൽമവാശ് അറിയിച്ചു. ഹൃദയാഘാതമാണ് മരണകാരണം. അൽഹായിർ റോഡിലെ അമീർ ഫഹദ് ജുമാമസ്ജിദിൽ ഇന്നലെ വൈകീട്ട് അസർ നമസ്കാരാന്തരം മയ്യത്ത് ഖബറടക്കി.