April 14, 2021
April 14, 2021
ദോഹ : ഖത്തറിൽ റമദാനിലെ സ്കൂളുകളിൽ രാവിലെ 9 മുതൽ ഉച്ചയ്ക്ക് 12:35 വരെ ക്ളാസ്സുകൾ ഉണ്ടായിരിക്കുമെന്ന് വിദ്യാഭ്യാസ, ഉന്നത വിദ്യാഭ്യാസ മന്ത്രാലയം അറിയിച്ചു. പ്രതിദിനം അഞ്ച് പാഠങ്ങൾ ഉൾപ്പെടുത്തി ഓരോ സ്കൂളിലും ആഴ്ചയിൽ 25 പാഠങ്ങൾ എന്ന നിലയിലാണ് ഷെഡ്യുൾ ചെയ്തിരിക്കുന്നത്.
ഓരോ സെഷനിലും ആദ്യത്തെ മൂന്നു ക്ളാസ്സുകൾ 45 മിനുട്ട് വീതവും നാലാമത്തെയും അഞ്ചാമത്തെയും ക്ലാസുകൾ 35 മിനിറ്റ് വീതവുമായിരിക്കും.
കിന്റർഗാർട്ടനുകളിൽ രാവിലെ 9:30 മുതൽ 11:30 വരെ പ്രതിദിനം രണ്ട് മണിക്കൂർ വീതമാണ് ക്ളാസുകൾ ഉണ്ടാവുക.ഷെഡ്യൂൾ ഏകോപിപ്പിക്കാനുള്ള സ്വാതന്ത്ര്യം സ്കൂൾ അഡ്മിനിസ്ട്രേഷനുണ്ടായിരിക്കും.ഇംഗ്ലീഷ് ഭാഷാ കോഴ്സുകൾക്ക് ഓരോ ക്ലാസ്സിനും ആഴ്ചയിൽ മൂന്ന് പാഠങ്ങൾ എന്ന തരത്തിൽ രാവിലെ 10:45 മുതൽ 11:30 വരെ 45 മിനിറ്റ് സമയമാണ് ക്ളാസുകൾ ഉണ്ടാവുക.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക