January 04, 2022
January 04, 2022
റിയാദ്: കോവിഡ് വ്യാപനം അനുദിനം വർധിക്കുന്നുണ്ടെങ്കിലും ലോക് ഡൗണ് നടപ്പാക്കില്ലെന്ന് സൗദി ആരോഗ്യമന്ത്രാലയം. അത്തരത്തിലുള്ള പ്രചരണങ്ങൾ തെറ്റാണെന്നും ആരോഗ്യമന്ത്രാലയം വക്താവ് ഡോ. മുഹമ്മദ് അല്അബ്ദുല് ആലി വ്യക്തമാക്കി. ലോക് ഡൗണ് അടക്കമുള്ള കോവിഡിന്റെ ആദ്യഘട്ട നടപടികളിലേക്ക് സൗദി മടങ്ങിപ്പോകാൻ ഉദ്ദേശിക്കുന്നില്ല, വാക്സിനേഷനുകളിലൂടെയും ബൂസ്റ്റര് ഡോസിലൂടെയും സാമൂഹിക പ്രതിരോധ ശേഷി കൈവരിച്ചിരിക്കാൻ നമുക്ക് കഴിഞ്ഞിട്ടുണ്ട്, ഡോക്ടർ വ്യക്തമാക്കി.
കോവിഡ് ബാധിച്ച് വിവിധ ആശുപത്രികളില് കഴിയുന്നവരും മരണപ്പെട്ടവരും വാക്സിനുകള് പൂര്ത്തിയാക്കാത്തവരാണ്. ബൂസ്റ്റര് ഡോസുകള് എടുത്തവര് പൂര്ണമായും പ്രതിരോധ ശേഷി കൈവരിച്ചിട്ടുണ്ട്. അതിനാല് രോഗവ്യാപനം തടയാന് എല്ലാവരും വാക്സിനുകള് പൂര്ത്തിയാക്കണം. വാക്സിന് ക്ഷാമം രാജ്യത്തില്ലെന്നും ബൂസ്റ്റര് ഡോസ് എടുക്കാന് ഫൈസര്, മോഡേര്നാ എന്നീ വാക്സിനുകള് മാത്രമാണ് രാജ്യത്ത് ഉപയോഗിക്കുന്നതെന്നും അദ്ദേഹം അറിയിച്ചു.