March 07, 2022
March 07, 2022
റിയാദ് : രാജ്യത്തെ കോവിഡ് അനുബന്ധ വാർത്താ സമ്മേളനവും, ഓരോ ദിവസത്തെയും കോവിഡ് കണക്കുകൾ പുറത്തുവിടുന്ന രീതിയും അവസാനിപ്പിച്ചതായി ആരോഗ്യ മന്ത്രാലയത്തിന്റെ ഔദ്യോഗിക വക്താവ് ഡോ. മുഹമ്മദ് അൽ അബ്ദുൽ ആലി വാർത്താ സമ്മേളനത്തിൽ അറിയിച്ചു.
അവശ്യഘട്ടങ്ങളിൽ അടിയന്തിരമായി പത്രസമ്മേളനങ്ങൾ വിളിക്കുമെന്നും അബ്ദുൽ ആലി വിശദമാക്കി. 'സൗദിയിൽ കോവിഡ് അതിന്റെ അവസാനഘട്ടത്തിലാണ്. വൈകാതെ തന്നെ രോഗത്തെ പൂർണമായും ഉന്മൂലനം ചെയ്യാനാവുമെന്നാണ് പ്രതീക്ഷ'- ഔദ്യോഗിക വക്താവ് കൂട്ടിച്ചേർത്തു. ദിവസേന കോവിഡ് കണക്കുകൾ പുറത്തുവിടില്ലെങ്കിലും, ഇവ വെബ്സൈറ്റിൽ പ്രദർശിപ്പിക്കും. ആരോഗ്യവിദഗ്ധർക്കും മറ്റും സൈറ്റുകളിൽ കയറി കോവിഡ് കണക്കുകൾ അറിയാൻ കഴിയും.