March 25, 2022
March 25, 2022
റിയാദ് : റമദാൻ മാസപ്പിറവി അടുത്തതിനാൽ, രാജ്യത്തെ മുസ്ലിംകൾ മാസപ്പിറവി നിരീക്ഷിക്കണമെന്ന് സൗദി സുപ്രീം കോടതി അറിയിച്ചു. ഉമ്മുൽഖുറാ കലണ്ടർ പ്രകാരം ഏപ്രിൽ ഒന്ന് വെള്ളിയാഴ്ച്ച ശഅബാൻ 29 ആണ്. അന്ന് വൈകീട്ട് മാസപ്പിറവി ദൃശ്യമായേക്കുമെന്നാണ് കോടതിയുടെ മുന്നറിയിപ്പ്. നഗ്നനേത്രങ്ങൾ കൊണ്ടോ ബൈനോക്കുലറുകളുടെ സഹായത്താലോ മാസപ്പിറവി നിരീക്ഷിക്കാം. മാസപ്പിറവി ദൃശ്യമായാൽ, അടുത്തുള്ള കോടതിയെ വിവരമറിയിച്ച് സാക്ഷ്യപ്പെടുത്തണമെന്നും സുപ്രീം കോടതി കൂട്ടിച്ചേർത്തു.