October 27, 2021
October 27, 2021
റിയാദ് : വിനോദസഞ്ചാരികൾക്കായി പ്രത്യേക കേന്ദ്രങ്ങളിൽ മദ്യം ലഭ്യമാക്കുമെന്ന വാർത്തകൾ വ്യാജമെന്ന് സൗദി ടൂറിസം മന്ത്രി അഹ്മദ് അൽഖതീബ്. മാധ്യമങ്ങളോട് സംസാരിക്കവെ ആണ് മദ്യവുമായി ബന്ധപ്പെട്ട ഊഹാപോഹങ്ങൾക്ക് കൃത്യമായ വിശദീകരണം നൽകിയത്.
'കോവിഡ് മഹാമാരി കാരണം കഴിഞ്ഞ രണ്ട് വർഷമായി വലിയ വെല്ലുവിളികളാണ് ടൂറിസം മേഖല നേരിടേണ്ടിവന്നത്. കോവിഡിന് മുൻപ് വിദേശികൾക്കും മറ്റ് ടൂറിസ്റ്റുകൾക്കുമായി നടത്തിയ സർവ്വേയിൽ മദ്യം ലഭിക്കാത്തതിനെ കുറിച്ച് വിദേശികൾ പരാതിപ്പെട്ടിട്ടില്ല. അതിനാൽ തന്നെ അത്തരമൊരു നീക്കത്തെ കുറിച്ച് ചിന്തിച്ചിട്ടുമില്ല'-മന്ത്രി വ്യക്തമാക്കി. ഈ വർഷത്തോടെ കോവിഡ് പ്രതിസന്ധികളിൽ നിന്ന് ടൂറിസം മേഖല കരകയറുമെന്നാണ് പ്രതീക്ഷിക്കപ്പെടുന്നത്. അഞ്ചുകോടിയോളം സന്ദർശകർ ഈ വർഷം രാജ്യത്തെത്തുമെന്നാണ് അധികൃതരുടെ കണക്ക്. ടൂറിസ്റ്റുകൾക്കായി പ്രത്യേകപാക്കേജുകളും ഹോളിഡേ പ്രോഗ്രാമുകളും തയ്യാറാക്കാനുള്ള നടപടികളെ ടൂറിസം മന്ത്രാലയം പ്രോത്സാഹിപ്പിക്കുമെന്നും മന്ത്രി കൂട്ടിച്ചേർത്തു.
