October 12, 2021
October 12, 2021
ജിദ്ദ : കോവിഡിന്റെ പിടി അല്പം അയഞ്ഞതോടെ കൂടുതൽ ഇളവുകൾ പ്രഖ്യാപിച്ച് സൗദി മുനിസിപ്പൽ കാര്യാലയം. ഭക്ഷണശാലകളിൽ ഇനി മുതൽ പത്ത് പേർക്ക് ഒരേ മേശയ്ക്ക് ചുറ്റുമിരുന്ന് ഭക്ഷണം കഴിക്കാമെന്ന അറിയിപ്പാണ് കാര്യാലയം പുറത്തുവിട്ടത്. ഒരേ കുടുംബത്തിൽ നിന്നുള്ളവർ ആണെങ്കിൽ പോലും, അഞ്ചിലധികം ആളുകൾ ഒന്നിച്ച് ഇരിക്കരുത് എന്നായിരുന്നു ഇതുവരെ ഉളള നിർദ്ദേശം. കോവിഡ് പോസിറ്റിവിറ്റി നിരക്ക് കുറഞ്ഞതോടെയാണ് ഈ നിയന്ത്രണം നീക്കിയത്. അതേസയം, ഭക്ഷണശാലകളിൽ പ്രവേശിക്കണമെങ്കിൽ രണ്ട് ഡോസ് വാക്സിനും നിർബന്ധമായും എടുത്തിരിക്കണമെന്നും അധികൃതർ വ്യക്തമാക്കി.
