January 19, 2022
January 19, 2022
റിയാദ് : തൊഴിൽ മേഖലയിൽ സ്വന്തം രാജ്യത്തെ പൗരന്മാർക്ക് കൂടുതൽ തൊഴിൽ അവസരങ്ങൾ ഒരുക്കുന്ന തിരക്കിലാണ് സൗദി. ഇതിനായി നടത്തിയ നീക്കങ്ങളുടെ ഭാഗമായി, 2018 ജനുവരി മുതൽ 2021 ഡിസംബർ വരെയുള്ള കാലയളവിൽ പത്തര ലക്ഷം വിദേശികൾക്കാണ് തൊഴിൽ നഷ്ടപെട്ടത്. ഇതേ കാലയളവിൽ സ്വദേശി തൊഴിലാളികളുടെ എണ്ണം ഗണ്യമായി വർധിക്കുകയും ചെയ്തു.
ഒരുകോടിയോളം വിദേശികൾ ജോലി ചെയ്തിരുന്ന സൗദിയിലെ 10.12 ശതമാനം വിദേശ ജീവനക്കാർക്ക് ഈ മൂന്ന് വർഷത്തിനിടെ ജോലി നഷ്ടമായി. 2018 ൽ സ്വകാര്യ മേഖലയിലെ വിദേശികൾക്കുള്ള ലെവി 400 റിയാലായി ഉയർത്തിയിരുന്നു. അടുത്ത രണ്ട് വർഷങ്ങളിൽ ഇത് യഥാക്രമം 600, 800 റിയാലായി വർധിപ്പിച്ചു. ഈ മൂന്ന് വർഷങ്ങൾക്കിടെ സ്വദേശികളായ ജീവനക്കാരുടെ എണ്ണത്തിൽ 5.66 ശതമാനത്തിന്റെ വർധനവാണ് രേഖപ്പെടുത്തിയത്. 2017 അവസാനത്തിൽ 31.6 ലക്ഷം സ്വദേശി ജീവനക്കാർ ഉണ്ടായിരുന്ന സൗദിയിൽ, 2021 അവസാനം ആവുമ്പോഴേക്കും 33.4 ലക്ഷം ജീവനക്കാർ ഉണ്ടെന്നും കണക്കുകൾ വ്യക്തമാക്കുന്നു.
