March 22, 2022
March 22, 2022
റിയാദ് : വിദേശത്ത് നിന്നും സൗദിയിലെത്തുന്നവർക്കുള്ള യാത്രാ മാനദണ്ഡങ്ങളിൽ കൂടുതൽ ഇളവുകൾ പ്രഖ്യാപിച്ചതായി സൗദി ആരോഗ്യമന്ത്രാലയം അറിയിച്ചു. കോവിഡ് വ്യാപനത്തിൽ കുറവ് രേഖപ്പെടുത്തിയതോടെയാണ് നടപടി.
വിദേശരാജ്യങ്ങളിൽ നിന്നും എത്തുന്ന യാത്രക്കാർ ഇനി കോവിഡ് വാക്സിനേഷൻ പൂർത്തിയാക്കിയ സർട്ടിഫിക്കറ്റുകൾ ഹാജറാക്കേണ്ടതില്ല. യാത്ര പുറപ്പെടുന്നതിന്റെ മുൻപും ശേഷവും പീസീആർ പരിശോധന വേണമെന്ന നിബന്ധനയും ഒഴിവാക്കിയിട്ടുണ്ട്. യാത്രക്കാർക്ക് കൊറന്റൈൻ ആവശ്യമില്ലെന്നും മന്ത്രാലയത്തിന്റെ കുറിപ്പിലുണ്ട്. കോവിഡ് കേസുകളുടെ എണ്ണം നാല് ശതമാനത്തിലേക്ക് താഴുകയും, വാക്സിനേഷൻ നിരക്ക് 99 ശതമാനത്തിലേക്ക് എത്തുകയും ചെയ്തതാണ് ഇളവുകൾ അനുവദിക്കാൻ കാരണമെന്ന് മന്ത്രാലയം വിശദീകരിച്ചു.