October 24, 2022
October 24, 2022
ന്യൂസ്റൂം ബ്യുറോ
ജിദ്ദ : ശാരീരികമായ കാരണങ്ങളാൽ സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാന്റെ വിദേശയാത്രകൾ താൽകാലികമായി റദ്ദാക്കി.ഇതേതുടർന്ന് നവംബർ 1,2 തിയ്യതികളിൽ നടക്കാനിരിക്കുന്ന അൾജീരിയ ഉച്ചകോടിയിൽ അദ്ദേഹം പങ്കെടുക്കില്ലെന്ന് റോയൽ കോർട്ട് അറിയിച്ചു.
ചെവി സംബന്ധമായ അസുഖങ്ങൾ ചികിത്സയിലായതിനാൽ ദീർഘനേരം വിമാനത്തിൽ ഇരിക്കുന്നത് ഒഴിവാക്കണമെന്ന ഡോക്ടർമാരുടെ നിർദേശത്തെ തുടർന്നാണ് വിദേശയാത്ര ഒഴിവാക്കുന്നതെന്നാണ് വിശദീകരണം.അദ്ദേഹത്തിന് പകരം വിദേശകാര്യ മന്ത്രി ഫൈസൽ ബിൻ ഫർഹാൻ രാജകുമാരനായിരിക്കും ഉച്ചകോടിയിൽ പങ്കെടുക്കുകയെന്നും റോയൽകോർട്ടിന്റെ അറിയിപ്പിൽ വ്യക്തമാക്കി.ഉച്ചകോടിയുടെ വിജയത്തിനായി അൾജീരിയക്ക് സൗദിയുടെ എല്ലാ പിന്തുണയും ഉണ്ടായിരിക്കുമെന്നും റോയൽകോർട്ട് അറിയിച്ചു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക.വീഡിയോകൾ കാണാൻ https://www.youtube.com/c/NewsRoomme സബ്സ്ക്രൈബ് ചെയ്യുക