December 07, 2021
December 07, 2021
റിയാദ് : കഴിഞ്ഞ വെള്ളിയാഴ്ച സൗദിയിലെ ബിശയിൽ വാഹനാപകടത്തിൽ മരിച്ച മലയാളി കുടുംബത്തിലെ അഞ്ചുപേരുടെ മൃതദേഹങ്ങൾ ഇന്ന് രാത്രിയോടെ നാട്ടിലേക്ക് കൊണ്ടുപോകും.നാളെ പുലർച്ചയോടെ മൃതദേഹങ്ങൾ നാട്ടിലെത്തും.നാളെ രാവിലെ പതിനൊന്നു മണിക്ക് ബേപ്പൂർ ജുമാഅത്ത് പള്ളിയിൽ മയ്യിത്ത് നമസ്കാരം പൂർത്തിയാക്കി ഖബറടക്കും.വീട്ടിൽ അടുത്ത ബന്ധുക്കൾക്ക് മാത്രമായിരിക്കും മൃതദേഹങ്ങൾ കാണാൻ സൗകര്യമുണ്ടാവുകയെന്ന് ബന്ധുക്കൾ അറിയിച്ചു.
പ്രവാസി സമൂഹത്തെ കണ്ണീരണിയിച്ച അപകടത്തിൽ മരിച്ചവർക്ക് കണ്ണീരോടെയാണ് റിയാദ് യാത്ര പറഞ്ഞത്. കോഴിക്കോട് ബേപ്പൂർ സ്വദേശി മുഹമ്മദ് ജാബിർ, ഭാര്യ ഷബ്ന, മക്കളായ 12 കാരൻ ലുത്ഫി, ഏഴു വയസ്സുകാരി സഹ, അഞ്ചു വയസ്സുകാരി ലൈബ എന്നിവരുടെ മൃതദേഹമാണ് നടപടി ക്രമങ്ങൾ പൂർത്തിയാക്കി വിമാനത്താവളത്തിലെത്തിക്കുന്നത്. ദുബൈ വഴിയുള്ള വിമാനം നാളെ പുലർച്ചെ കൊച്ചിയിലെത്തും. ഇവിടെ നിന്നും റോഡ് മാർഗമാണ് കോഴിക്കോട്ടെത്തിക്കുക.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
