October 10, 2021
October 10, 2021
റിയാദ് : കോവിഡ് വ്യാപനം ഗണ്യമായി കുറഞ്ഞതിന് പിന്നാലെ പല ഗൾഫ് രാജ്യങ്ങളും ഘട്ടംഘട്ടമായി പൊതു സ്ഥലങ്ങളിൽ മാസ്ക് ധരിക്കുന്നത് ഒഴിവാക്കി തുടങ്ങിയെങ്കിലും സൗദി ഉടൻ മാസ്ക് ഒഴിവാക്കിയേക്കില്ല.ഒരു ടെലിവിഷൻ പരിപാടിയിൽ സംസാരിക്കുന്നതിനിടെ ആരോഗ്യമന്ത്രാലയം വക്താവ് ഡോ.മുഹമ്മദ് അൽ അബ്ദാലിയാണ് ഇക്കാര്യത്തിൽ വ്യക്തത വരുത്തിയത്.
'ലോകത്ത് കൊറോണ ഇപ്പോഴും പടർന്നു പിടിക്കുകയാണ്.അതിനാൽ തന്നെ മാസ്ക് ഉപയോഗിക്കുന്നതടക്കമുള്ള പ്രതിരോധ മാര്ഗങ്ങള് നാം തുടരേണ്ടതുണ്ട്.രണ്ട് ഡോസ് വാക്സിനെടുത്തവർക്ക് മാസ്ക് ഒഴിവാക്കികൂടെ എന്ന് പലരും ചോദിക്കാറുണ്ട്.എന്നാൽ രണ്ട് ഡോസ് വാക്സിനെടുത്തത്കൊണ്ട് കോവിഡ് വരാതിരിക്കില്ല.അണുബാധയ്ക്കുള്ള സാധ്യതയും രോഗം പിടിപെട്ടാൽ ഗുരുതരാവസ്ഥയിലേക്ക് പോകുന്ന സ്ഥിതിയും കുറയുമെന്ന് മാത്രമേയുള്ളൂ.പൂർണമായും പ്രതിരോധം ലഭിച്ചിട്ടില്ലാത്ത വ്യക്തികൾ ചുറ്റുമുള്ളപ്പോൾ രോഗംവരാനുള്ള സാധ്യതയും കൂടുതലാണ്.അതിനാൽ തന്നെ മാസ്ക് അഴിക്കാനുള്ള സമയം നമുക്ക് ഇനിയും ആയിട്ടില്ല.' സൗദി ടെലിവിഷൻ ചാനലിലെ സൗദി സ്ട്രീറ്റ് എന്ന പരിപാടിയിൽ അദ്ദേഹം പറഞ്ഞു.
ന്യൂസ്റൂം വാർത്തകൾ ലഭിക്കാൻ +974 66200167 എന്ന വാട്സ്ആപ് നമ്പറിൽ സന്ദേശം അയക്കുക.