November 11, 2022
November 11, 2022
ന്യൂസ്‌റൂം ബ്യുറോ
റിയാദ്: ഖത്തർ ലോകകപ്പ് മത്സരങ്ങള്‍ കാണാനുള്ള ‘ഹയ്യാ കാര്‍ഡ്’ ഉള്ളവർക്ക് സൗദി അറേബ്യയിലെത്തി ഉംറ തീർഥാടനവും മദീന സിയാറത്തും നടത്താനുള്ള അനുമതി പ്രാബല്യത്തില്‍ വന്നു. ഹയ്യാ കാര്‍ഡ് ഉടമകള്‍ക്ക് സൗദി അറേബ്യ സൗജന്യ വിസയാണ് അനുവദിക്കുന്നത്. എന്നാല്‍ ഇവര്‍ സൗദിയിലെത്തുന്നതിനു മുമ്പായി മെഡിക്കല്‍ ഇന്‍ഷുറന്‍സ് എടുത്തിരിക്കേണ്ടത് നിര്‍ബന്ധമാണ്. സൗദി അറേബ്യയുടെ വിസാ പ്ലാറ്റ്‌ഫോം വഴി മെഡിക്കല്‍ ഇന്‍ഷുറന്‍സ് പോളിസി ലഭിക്കും.
ഹയ്യാ കാര്‍ഡ് ഉടമകള്‍ക്ക് സൗദി അറേബ്യ മള്‍ട്ടിപ്പിള്‍ എന്‍ട്രി വിസയാണ് അനുവദിക്കുന്നത്. കാലാവധിക്കുള്ളില്‍ ഈ വിസയില്‍ എത്ര തവണയും സൗദിയില്‍ വരാനും പുറത്തുപോകാനും സാധിക്കും. ഹയ്യാ കാര്‍ഡ് ഉപയോഗിച്ച് വിസ നേടുന്നവര്‍ ആദ്യം ഖത്തറില്‍ പ്രവേശിക്കണമെന്ന് നിബന്ധനയുമില്ല. ഇവര്‍ക്ക് നേരിട്ട് സൗദി അറേബ്യയിലെത്താം. ലോകകപ്പ് മത്സരത്തിനിടെ സൗദി അറേബ്യ സന്ദര്‍ശിക്കാനും കുറഞ്ഞ ചെലവില്‍ സൗദിയില്‍ താമസിക്കാനുമുള്ള അവസരമാണ് ഹയ്യാ കാര്‍ഡ് ഉടമകള്‍ക്ക് സൗദി അറേബ്യ ഒരുക്കിയിരിക്കുന്നത്.
അപേക്ഷിക്കാനുള്ള ലിങ്ക് : Click Here
1- ഏകീകൃത ദേശീയ വിസ പ്ലാറ്റ്‌ഫോം വഴി ഇലക്ട്രോണിക് വിസ നേടിയ ശേഷം ഹയ്യ കാർഡ് ഉടമകൾക്ക് ലോകകപ്പ് ആരംഭിക്കുന്നതിന് 10 ദിവസം മുമ്പ് മുതൽ സൗദി അറേബ്യയിൽ പ്രവേശിക്കാം.
2-എൻട്രി വിസ കൈവശമുള്ളവർക്ക് 60 ദിവസം രാജ്യത്ത് താമസിക്കാം
3-.വിസാ കാലയളവിൽ നിരവധി തവണ സൗദിയിൽ പ്രവേശിക്കാനും പുറത്തുപോകാനും കഴിയും.
4-ആദ്യം ഖത്തർ സന്ദർശിച്ചിരിക്കണമെന്ന നിബന്ധനയില്ല.
5-സൗദിയിലേക്ക് യാത്ര തിരിക്കുന്നതിന് മുമ്പ് മെഡിക്കൽ ഇൻഷുറൻസ് എടുത്തിരിക്കണം.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക
