June 14, 2022
June 14, 2022
ജിദ്ദ : കോവിഡുമായി ബന്ധപ്പെട്ട എല്ലാ മുൻകരുതലുകളും നിയന്ത്രണങ്ങളും പൂർണമായും പിൻവലിച്ചതായി സൗദി ആരോഗ്യമന്ത്രാലയം അറിയിച്ചു.അടച്ചിട്ട സ്ഥലങ്ങളിലും ഇനി മാസ്ക് നിർബന്ധമായിരിക്കില്ല.എന്നാൽ ഇരു ഹറം പള്ളികളിലും മാസ്ക് നിര്ബന്ധമായിരിക്കും.
വിവിധ കേന്ദ്രങ്ങളില് പ്രവേശിക്കുന്നതിനും പരിപാടികളില് പങ്കെടുക്കുന്നതിനും തവക്കല്നയില് വാക്സിനേഷന് തെളിവ് ആവശ്യമില്ല. വിമാനങ്ങളിലോ പൊതു ഗതാഗതങ്ങളിലോ പ്രവേശിക്കാനും ഇത് നിര്ബന്ധമില്ല.
മക്ക ഹറം, മദീനയിലെ പ്രവാചകന്റെ പള്ളി, ആരോഗ്യ കേന്ദ്രങ്ങള്, പ്രത്യേക നിയന്ത്രണങ്ങള് പുറപ്പെടുവിക്കുന്ന സ്ഥലങ്ങള് എന്നിവ ഒഴികെയുള്ള അടച്ച സ്ഥലങ്ങളിലാണ് മാസ്ക് ഒഴിവാക്കിയത്. കോവിഡ് സാഹചര്യത്തില് രാജ്യം തുടര്ന്നു പോരുന്ന തുടര്നടപടികളുടെയും മഹാമാരിയെ ചെറുക്കുന്നതില് കൈവരിച്ച നേട്ടങ്ങളുടെയും അടിസ്ഥാനത്തിലാണ് നിയന്ത്രണങ്ങള് പിന്വലിക്കുന്നതെന്ന് ആഭ്യന്തര മന്ത്രാലയം വ്യക്തമാക്കിയിട്ടുണ്ട്.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക