November 05, 2021
November 05, 2021
അബഹ : അസീർ പ്രവിശ്യയിലെ മഹായിൽ അസീർ -റൗലത്ത് ഖനാ റോഡിൽ നാലുകാറുകൾ കൂട്ടിയിടിച്ചുണ്ടായ അപകടത്തിൽ രണ്ട് പേർക്ക് ജീവൻ നഷ്ടപ്പെട്ടു. സംഭവത്തിൽ ആറുപേർക്ക് പരിക്കേൽക്കുകയും ചെയ്തിട്ടുണ്ട്.
വിവിധ സുരക്ഷാ വകുപ്പുകളിലെ ഉദ്യോഗസ്ഥരും റെഡ് ക്രോസും ചേർന്ന് പരിക്കേറ്റവരെ അസീർ ജനറൽ ആശുപത്രിയിൽ പ്രവേശിപ്പിച്ചു. മരണപ്പെട്ടവരുടെ മൃതദേഹവും ഇതേ ആശുപത്രിയിലെ മോർച്ചറിയിൽ സൂക്ഷിച്ചിരിക്കുകയാണ്. ഒരു കുടുംബത്തിലെ ദമ്പതികൾക്കും മക്കൾക്കുമാണ് പരിക്കേറ്റതെന്ന് രക്ഷാപ്രവർത്തനത്തിന് നേതൃത്വം നൽകിയ ഉദ്യോഗസ്ഥർ അറിയിച്ചു. അപകടത്തെ തുടർന്ന് ഗതാഗതം തടസ്സപ്പെട്ട റോഡിൽ ഏറെ പണിപ്പെട്ടാണ് ഗതാഗതം പുനഃസ്ഥാപിച്ചത്.