January 30, 2020
January 30, 2020
ദോഹ : ഖത്തറിലെ പ്രഥമ വനിതാ മന്ത്രിയായിരുന്ന ഷെയ്ഖാ അൽ മഹ്മൂദ് അന്തരിച്ചു. ഖത്തർ മന്ത്രിസഭയിലെ പ്രഥമ വനിതാ മന്ത്രിയായിരുന്നു. 2003 ലാണ് ഷെയ്ഖാ അൽ മഹ്മൂദ് ഖത്തറിലെ വിദ്യാഭ്യാസ- ഉന്നത വിദ്യാഭ്യാസ മന്ത്രിയായി ചുമതലയേറ്റത്.
അറബി ഭാഷയിൽ ബിരുദം നേടിയ അൽ മഹ്മൂദ് 1970 ൽ അധ്യാപികയായാണ് ഔദ്യോഗിക ജീവിതം ആരംഭിച്ചത്. പിന്നീട് സ്‌കൂൾ ഡയറക്റ്ററായും സേവനമനുഷ്ഠിച്ചിരുന്നു. 1996 ൽ വിദ്യാഭ്യാസ - ഉന്നത വിദ്യാഭ്യാസ മന്ത്രാലയത്തിൽ അണ്ടർ സെക്രട്ടറിയായി.
നിരവധി വിദ്യാഭ്യാസ-സാമൂഹിക പദ്ധതികളിൽ സജീവ പങ്കാളിത്തം വഹിച്ച ഷെയ്‌ഖ അൽ മഹമൂദിനെ ഖത്തർ യൂണിവേഴ്‌സിറ്റി 2018 ലെ മികച്ച വ്യക്തിത്വമായി തെരഞ്ഞെടുത്തിരുന്നു.
