March 19, 2020
March 19, 2020
ദോഹ : കോവിഡ് വ്യാപനത്തിന്റെ പശ്ചാത്തലത്തിൽ രാജ്യം കടുത്ത വെല്ലുവിളികളികൾ നേരിടുന്നതിനിടെ എന്ത് സഹായത്തിനും തയാറാണെന്ന് ഖത്തറിലെ ബിസിനസ് പ്രമുഖർ അറിയിച്ചു. കോവിഡ് പ്രതിരോധിക്കാനുള്ള പ്രവര്ത്തനങ്ങള്ക്ക് വേണ്ടി തങ്ങളുടെ വീടും ഫാക്ടറികളും ഭക്ഷണ സാധനങ്ങളും സൗജന്യമായി നല്കാമെന്ന് അവർ സമൂഹ മാധ്യമങ്ങൾ വഴി അറിയിച്ചു. കരുതൽ നിരീക്ഷണത്തിൽ കഴിയുന്നവർക്ക് ഭക്ഷണം നല്കാന് പത്ത് ടണ് ഫ്രഷ് ചിക്കന് സൗജന്യമായി നല്കാമെന്ന് അത്ബ ഫാം ഫോര് പൌള്ട്രി പറഞ്ഞു. ക്വാരന്റൈനില് പ്രവര്ത്തിക്കുന്ന ആരോഗ്യ പ്രവര്ത്തകര്ക്കും മറ്റും ഭക്ഷണം നല്കാന് തങ്ങളുടെ എല്ലാ റസ്ടോറണ്ടുകളും ഉപയോഗിക്കാമെന്ന് അല് അകര് ഫുഡ് പ്രോടുക്ട്സ് കമ്പനി അറിയിച്ചു.
എന്നാൽ,തങ്ങളുടെ 90 വില്ലകളും 78 റൂമുകളും വൈറസ് ഉള്ളതായി സംശയിക്കുന്നവരെ ക്വാരന്ന്റൈന് ചെയ്യാന്\ ഉപയോഗിക്കാമെന്നായിരുന്നു റിതാജ് സല്വാ റിസോര്ട്ടിന്റെ ട്വീറ്റ്. അതേസമയം,60,000 പേപ്പര് കപ്പുകള് സൗജന്യമായി ഖത്തര് നിവാസികള്ക്ക് വിതരണം ചെയ്യുമെന്ന് ഖത്തര് പ്രസ് കമ്പനി അറിയിച്ചു. വൈറസ് പ്രതിരോധിക്കാനുള്ള സര്ക്കാരിന്റെ നിസ്വാര്ത്ഥമായ പ്രവര്ത്തനങ്ങള്ക്ക് പിന്തുണ പ്രഖ്യാപിച്ചും തങ്ങളുടെ സഹായം സ്വീകരിക്കണമെന്ന് അഭ്യര്ഥിച്ചും സമൂഹമാധ്യമങ്ങളില് സന്മനസ്സുള്ളവരുടെ സഹായവാഗ്ദാനങ്ങൾ തുടരുകയാണ്.. എല്ലാവരും ഒരുമിച്ചു നിന്നാൽ ഇത്തരമൊരു പ്രതിസന്ധി ഘട്ടത്തെ നേരിടാൻ കഴിയുമെന്നും അവർ ശുഭാപ്തി വിശ്വാസം പ്രകടിപ്പിച്ചു.
ന്യൂസ്റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.