April 04, 2021
April 04, 2021
ദോഹ: ഖത്തറില്‍ ഇതുവരെ നല്‍കിയത് കൊവിഡ്-19 പ്രതിരോധ വാക്‌സിന്റെ 900,000 ഡോസുകള്‍. ദ്രുതഗതിയില്‍ പുരോഗമിക്കുന്ന വാക്‌സിനേഷന്‍ ഉടന്‍ 10 ലക്ഷം ഡോസുകളിലെത്തും. പൊതുജനാരോഗ്യ മന്ത്രാലയത്തിന്റെ കണക്ക് അനുസരിച്ച് കഴിഞ്ഞ 24 മണിക്കൂറിനുള്ളില്‍ 21,993 ഡോസുകളാണ് നല്‍കിയത്.
പ്രൈമറി ഹെല്‍ത്ത് കെയര്‍ കോര്‍പ്പറേഷന്റെ എല്ലാ ആരോഗ്യകേന്ദ്രങ്ങളിലും വാക്‌സിന്‍ ലഭ്യമാക്കിയതോടെ ഖത്തറിലെ വാക്‌സിനേഷന്‍ വേഗത്തിലായി. കൂടാതെ രണ്ട് ഡ്രൈവ്-ത്രൂ വാക്‌സിനേഷന്‍ കേന്ദ്രങ്ങളും ഖത്തറില്‍ തുറന്നു. ലൂസൈലിലും അല്‍ വക്രയിലുമാണ് ഡ്രൈവ്-ത്രൂ വാക്‌സിനേഷന്‍ കേന്ദ്രങ്ങള്‍ തുറന്നത്.
ഫൈസര്‍/ബയോണ്‍ടെക്, മൊഡേണ എന്നീ കമ്പനികളുടെ വാക്‌സിനാണ് ഖത്തറില്‍ നിലവില്‍ വിതരണം ചെയ്യുന്നത്. വാക്‌സിനേഷന്റെ വേഗത വര്‍ധിപ്പിക്കുന്നതിലൂടെ ഖത്തറിലെ ജനജീവിതം സാധാരണനിലയിലാകുമെന്നാണ് പൊതുജനാരോഗ്യ മന്ത്രാലയം പ്രതീക്ഷിക്കുന്നത്. എന്നാല്‍ അടുത്ത ആഴ്ചകളിലോ മാസങ്ങളിലോ ഇത് സംഭവിക്കില്ല എന്നും മന്ത്രാലയം വ്യക്തമാക്കുന്നു.
'2021 ലും കൊറോണ വൈറസ് നമ്മുടെ ആരോഗ്യത്തിന് ഭീഷണിയായി തുടരും. കൂടാതെ ഖത്തറിലെ ജനങ്ങളില്‍ യോഗ്യരായ എല്ലാവര്‍ക്കും വാക്‌സിന്‍ ലഭിക്കുന്നത് വരെ ശാരീരിക അകലം പാലിക്കുകയും മാസ്‌ക് ധരിക്കുകയും പതിവായി സോപ്പ് ഉപയോഗിച്ച് കൈ കഴുകുകയും ചെയ്യുന്നത് തുടരണം' -പൊതുജനാരോഗ്യ മന്ത്രാലയം പറഞ്ഞു.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
