February 04, 2021
February 04, 2021
ദോഹ : കൊവിഡിന്റെ രണ്ടാം വ്യാപനത്തെ പ്രതിരോധിക്കുന്നതിന്റെ ഭാഗമായി ഖത്തറിൽ പുനഃസ്ഥാപിച്ച നിയന്ത്രണങ്ങൾ വിമാന സർവീസുകളെ ബാധിക്കില്ല.സൗദിയിലും കുവൈത്തിലും യാത്രാ വിലക്ക് നിലവിൽ വന്ന സാഹചര്യത്തിൽ ഖത്തറിലും വിമാനത്താവളം അടക്കുന്നു എന്നതുൾപ്പടെ അഭ്യൂഹങ്ങൾ പ്രചരിച്ചിരുന്നു.ഏറ്റവുമധികം വിദേശതൊഴിലാളികൾ താമസിക്കുന്ന വ്യവസായ മേഖലയിൽ വീണ്ടും ലോക്ഡൗൺ ഏർപെടുത്തുമോ എന്ന കാര്യത്തിലും മലയാളികൾ ഉൾപ്പെടെയുള്ള പ്രവാസികൾക്ക് കടുത്ത ആശങ്കയുണ്ടായിരുന്നു.
എന്നാൽ ഖത്തറിലേക്ക് യാത്രാവിലക്ക് ഇല്ലെന്നും ഇത്തരത്തിലുള്ള പ്രചാരണം തെറ്റാണെന്നും അധികൃതർ അറിയിച്ചു. നിലവിലുള്ള സര്‍വീസുകള്‍ അതേപടി തുടരാനാണ് തീരുമാനം.
വിദേശികൾക്കും പ്രവാസികൾക്കും ഖത്തറിൽ പ്രവേശിക്കുന്നതിന് യാതൊരു നിയന്ത്രണവും ഇതുവരെ ഏർപ്പെടുത്തിയിട്ടില്ലെന്നും ഇതുസംബന്ധമായി പ്രചരിക്കുന്ന വാർത്തകൾ പൂർണമായും തെറ്റാണെന്നും ഡിസ്കവർ ഖത്തർ കഴിഞ്ഞ ദിവസം അറിയിച്ചിരുന്നു.
"ഖത്തർ ഗവണ്മെന്റ് നേരത്തെ പുറപ്പെടുവിച്ച ഇതുവരെയുള്ള നിയമങ്ങൾക്കും മാനദണ്ഡങ്ങൾക്കും യാതൊരു മാറ്റവും വരുത്തിയിട്ടില്ല. ഖത്തർ പൗരന്മാരെ മാത്രമാണ് അതിർത്തി അല്ലെങ്കിൽ എയർപോർട്ട് വഴി കടത്തിവിടുന്നത് എന്ന വാർത്ത തെറ്റാണ്," ഡിസ്കവർ ഖത്തർ ഒരു പ്രസ്താവനയിൽ പറഞ്ഞു.
ഇത്തരം വ്യാജ വാർത്തകൾ പരത്താനായി ഡിസ്കവർ ഖത്തർ വെബ്സൈറ്റ് ചിത്രങ്ങൾ ഉപയോഗിക്കുന്നതായി തങ്ങളുടെ ശ്രദ്ധയിൽ പെട്ടിട്ടുണ്ടെന്നും അധികൃതർ അറിയിച്ചു.
അതേസമയം,കോവിഡിനെ തുടർന്ന് നിരവധി മലയാളികളാണ് ഇപ്പോഴും നാട്ടിൽ കുടുങ്ങികിടക്കുന്നത്.മാസങ്ങൾ നീണ്ട കാത്തിരിപ്പിന് ശേഷം ഖത്തർ പോർട്ടൽ വഴി അനുമതി ലഭിച്ച ഇവരിൽ പലരും തിരിച്ചു വരാനുള്ള ടിക്കറ്റെടുത്ത് യാത്രക്കുള്ള ഒരുക്കത്തിലാണ്. ഇതിനിടെ വിമാനത്താവളം അടക്കുന്നുവെന്ന തരത്തിലുള്ള അഭ്യൂഹങ്ങൾ പ്രചരിച്ചത് ഇവരിൽ കടുത്ത ആശങ്കയുണ്ടാക്കിയിരുന്നു.
കഴിഞ്ഞ ദിവസം പുനഃസ്ഥാപിച്ച നിയന്ത്രണങ്ങൾ ഇവയാണ് :
ന്യൂസ്‌റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.
