May 27, 2020
May 27, 2020
ദോഹ : ഖത്തറില് ബുധനാഴ്ചയും രണ്ടു പേർ കോവിഡ് ബാധിച്ച് മരിച്ചു. 75 ഉം 68 ഉം വയസ്സുള്ളവരാണ് മരിച്ചത്. ഇവര് ഏത് രാജ്യക്കാരാണെന്ന് വ്യക്തമല്ല. ഇതോടെ കോവിഡിനെ തുടര്ന്നുള്ള മരണ സംഖ്യ രാജ്യത്ത് മുപ്പതായി.
അതെ സമയം 1740 പേര്ക്ക് കൂടി പുതുതായി രോഗബാധ സ്ഥിരീകരിച്ചു. ഇതോടെ ആകെ രോഗം സ്ഥിരീകരിക്കപ്പെട്ടവര് 48,947 ആയി. പുതിയ രോഗികളില് കൂടുതലും പ്രവാസികളാണെന്ന് ആരോഗ്യമന്ത്രാലയം അറിയിച്ചു
അതെസമയം രോഗം ഭേദമാകുന്നവരുടെ എണ്ണം ഉയര്ന്ന നിലയില് തന്നെ തുടരുകയാണ്. 1439 പേരാണ് പുതുതായി രോഗമുക്തരായത്. ഇതോടെ ആകെ അസുഖം ഭേദമായവര് 13,283 ആയി
രോഗം മൂര്ച്ചിച്ചതിനെ തുടര്ന്ന് പുതുതായി പന്ത്രണ്ട് പേരെ കൂടി അത്യാഹിത വിഭാഗത്തില് പ്രവേശിപ്പിച്ചു. 203 പേരാണ് നിലവില് ഐസിയുവില് കഴിയുന്നത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക