April 20, 2020
April 20, 2020
ദോഹ : ഖത്തറിൽ തിങ്കളാഴ്ച 567 പേരിൽ കൂടി കോവിഡ് 19 സ്ഥിരീകരിച്ചു.ഇന്ന് 37 പേർക്കാണ് പുതുതായി രോഗം ഭേദപ്പെട്ടത്. ഇതുവരെ രാജ്യത്ത് 555 പേർ രോഗവിമുക്തി നേടിയിട്ടുണ്ട്. ഇന്ന് ഒരാൾ കൂടി മരണപ്പെട്ടതോടെ രാജ്യത്തെ മൊത്തം മരണസംഖ്യ 9 ആയി.ഇന്ന് മരിച്ചയാൾ ഏതു രാജ്യക്കാരനാണെന്ന് വ്യക്തമല്ല.
കഴിഞ്ഞ 24 മണിക്കൂറിനിടെ 2082 പേരിലാണ് രോഗപരിശോധന നടത്തിയത്.64620 പേരിലാണ് ഇതുവരെ കോവിഡ് പരിശോധന നടത്തിയത്.
തിങ്കളാഴ്ച വരെയുള്ള കണക്കനുസരിച്ച് രോഗം സ്ഥിരീകരിക്കപ്പെട്ടവരുടെ എണ്ണം 6015 ആയി.അതേസമയം 5451 പേർ മാത്രമാണ് ചികിത്സയിൽ കഴിയുന്നത്.ഇന്ന് രോഗം സ്ഥിരീകരിക്കപ്പെട്ടവരിൽ കൂടുതലും നേരത്തെ കോവിഡ് ബാധിതരുമായി സമ്പർക്കം പുലർത്തിയതിനെ തുടർന്ന് കരുതൽ വാസത്തിൽ കഴിയുന്ന വിദേശ തൊഴിലാളികളാണെന്നും ആരോഗ്യമന്ത്രാലയം അറിയിച്ചു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.