June 21, 2020
June 21, 2020
ദോഹ : ഖത്തറിൽ കോവിഡ് ബാധിച്ചു ചികിത്സയിലായിരുന്ന നാലു പേർ കൂടി മരണപ്പെട്ടു. ഇതോടെ ഖത്തറിൽ കോവിഡ് മരണ സംഖ്യ 98 ആയി. അതേസമയം പുതുതായി രോഗം സ്ഥിരീകരിക്കുന്നവരുടെ എണ്ണത്തിൽ വൻ കുറവാണ് കഴിഞ്ഞ 24 മണിക്കൂറിനിടെ രേഖപ്പെടുത്തിയത്.881 പേർക്ക് മാത്രമാണ് പുതുതായി രോഗം സ്ഥിരീകരിച്ചത്.നീണ്ട ഇടവേളക്ക് ശേഷമാണ് പുതിയ രോഗബാധിതരുടെ എണ്ണം ആയിരത്തിൽ താഴെ എത്തുന്നത്.
കോവിഡ് പോസറ്റിവ് ആയി തുടരുന്നവരുടെ എണ്ണം 18,952 ആയി.
അതേസമയം കഴിഞ്ഞ 24 മണിക്കൂറിനിടെ 1556 പേരാണ് രോഗമുക്തി നേടിയത്..ഇതുവരെ 68319 പേരാണ് രോഗമുക്തി നേടിയത്.
എട്ടു പേരെയാണ് പുതുതായി ഐസിയുവിൽ പ്രവേശിപ്പിച്ചത്. 221 പേരാണ് നിലവിൽ തീവ്രപരിചരണ വിഭാഗത്തിൽ ഉള്ളത്. രോഗലക്ഷണങ്ങൾ പ്രകടിപ്പിച്ച 112 പേരെ കൂടി ആശുപത്രിയിൽ പ്രവേശിപ്പിച്ചു.1124 പോസറ്റിവ് കേസുകളാണ് നിലവിൽ ആശുപത്രിയിൽ ചികിത്സയിലുള്ളത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
