April 20, 2020
April 20, 2020
Newsroom Exclusive
ദോഹ : ഓൺഅറൈവൽ വിസയിൽ ഖത്തറിലെത്തി ഒരു തവണ കാലാവധി നീട്ടിയവർക്ക് വീണ്ടും വിസ പുതുക്കാൻ സൗകര്യം ഒരുക്കിയതായി റിപ്പോർട്ട്. യാത്രാവിലക്കിന് മുമ്പ് ഖത്തറിൽ എത്തിയവർക്ക് മെട്രാഷ് വഴിയോ ആഭ്യന്തര മന്ത്രാലയത്തിന്റെ ഔദ്യോഗിക വെബ്‌സൈറ്റിലെ വിസാ സർവീസ് വഴിയോ കാലാവധി പുതുക്കാൻ അധികൃതർ സൗകര്യം ഒരുക്കിയിരുന്നു. എന്നാൽ വീണ്ടും കാലാവധി പൂർത്തിയാകാറായ പലരും ഈ മാർഗങ്ങൾ ഉപയോഗിച്ച് വിസ പുതുക്കാൻ ശ്രമിച്ചിരുന്നെങ്കിലും സാധിച്ചിരുന്നില്ല.
അതേസമയം,പാസ്പോർട്ട് കോപ്പി,വിസാ കോപ്പി എന്നിവ visasection@moi.gov.qa എന്ന മന്ത്രാലയത്തിന്റെ ഇ മെയിൽ വിലാസത്തിലേക്കയച്ചാൽ ഓൺ അറൈവൽ വിസയുടെ കാലാവധി വീണ്ടും പുതുക്കി നൽകുന്നതായാണ് വിവരം. വിസാകാലാവധി നീട്ടണമെന്ന് ആവശ്യപ്പെട്ടാണ് ഇ മെയിൽ അയക്കേണ്ടത്. മെട്രാഷിന്റെ ഹെൽപ് ലൈനിൽ ബന്ധപ്പെട്ടപ്പോഴാണ് അധികൃതർ ഇക്കാര്യം അറിയിച്ചത്.വിസ പുതുക്കിയ വിവരവും വിസാ കോപ്പിയും നിങ്ങളുടെ ഇ മെയിലിൽ തന്നെ ലഭിക്കും.എന്നാൽ ഇതുസംബന്ധിച്ച് ഔദ്യോഗിക അറിയിപ്പൊന്നും മാധ്യമങ്ങൾക്ക് നൽകിയിട്ടില്ല.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
