April 07, 2021
April 07, 2021
ദോഹ : ഖത്തറിൽ കഴിഞ്ഞ 24 മണിക്കൂറിനിടെ കോവിഡ് മരണ നിരക്കും പുതിയ കോവിഡ് കേസുകളും വീണ്ടും കുത്തനെ ഉയർന്നു. കഴിഞ്ഞ 24 മണിക്കൂറിനിടെ 8 പേരാണ് ചികിത്സയിലിരിക്കെ മരിച്ചത്.39, 44, 45, 52, 53, 73, 82,86 വയസ്സുള്ളവരാണ് മരിച്ചത്.
ഇതോടെ രാജ്യത്ത് കോവിഡ് ബാധിച്ചു മരണപ്പെട്ടവരുടെ എണ്ണം 320 ആയി.2020 ൽ ഒരു ദിവസം 7 പേർ മരിച്ചതാണ് ഇതുനു മുമ്പുള്ള ഏറ്റവും ഉയർന്ന പ്രതിദിന മരണ നിരക്ക്. ഈ റെക്കോഡ് മറികടന്നാണ് ഇന്ന് എട്ടു പേർ മരണപ്പെട്ടത്.
940 പേർക്കാണ് പുതുതായി രോഗം സ്ഥിരീകരിച്ചത്. 527 പേർ രോഗമുക്തി നേടി.ഇതോടെ കോവിഡ് ഭേദമായവരുടെ എണ്ണം 167,480. ആയി.പുതുതായി രോഗം സ്ഥിരീകരിച്ചവരിൽ 818 പേര്ക്ക് സമൂഹ വ്യാപനത്തിലൂടെയാണ് കോവിഡ് ബാധിച്ചത്.. 122 പേർ വിദേശത്ത് നിന്ന് മടങ്ങിയെത്തിയ യാത്രക്കാരാണ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക