March 30, 2021
March 30, 2021
ദോഹ : ഖത്തറിൽ കോവിഡ് കേസുകൾ ദിനംപ്രതി വർധിക്കുന്നു.ചൊവ്വാഴ്ച 720 പുതിയ കോവിഡ് കേസുകൾ റിപ്പോർട്ട് ചെയ്തതായി പൊതു ജനാരോഗ്യ മന്ത്രാലയം അറിയിച്ചു. കോവിഡ് ബാധിച്ച് മൂന്ന് പേർ കൂടി മരണപ്പെട്ടു. 43, 57, 69 വയസ്സുള്ള രോഗികളാണ് മരിച്ചത്. ഇതോടെ രാജ്യത്ത് കോവിഡ് ബാധിച്ചു മരണപ്പെട്ടവരുടെ എണ്ണം 289 ആയി.
412 പേർ രോഗമുക്തരായി. ഇതോടെ, കോവിഡ് ഭേദമായ മൊത്തം ആളുകളുടെ എണ്ണം 163,684 ആയി.
പുതുതായി രോഗം സ്ഥിരീകരിച്ചവരിൽ 627 പേര്‍ക്ക് സമൂഹ വ്യാപനത്തിലൂടെയാണ് കോവിഡ് പിടിപെട്ടത്. 93 പേർ വിദേശത്ത് നിന്ന് മടങ്ങിയെത്തിയ യാത്രക്കാരാണ്.
കോവിഡ് ബാധിച് 15,211 പേർ ഇപ്പോൾ ചികിത്സയിലാണ്.
കഴിഞ്ഞ 24 മണിക്കൂറിനുള്ളിൽ 211 പേരാണ് ആശുപത്രിയിൽ ചികിത്സ തേടിയത്. ഇതോടെ ആശുപത്രിയിൽ ചികിത്സ യിലുള്ള കോവിഡ് രോഗികളുടെ എണ്ണം 1590 ആയി.
315 പേര്‍ ഐ.സി.യുവില്‍ ചികിത്സയിലാണ്. കഴിഞ്ഞ 24 മണിക്കൂറിനുള്ളിൽ 35 പേരെ ഐ.സി.യുവില്‍ പ്രവേശിപ്പിച്ചു.
കഴിഞ്ഞ 24 മണിക്കൂറിനുള്ളിൽ 25, 566 ഡോസ് വാക്സിനുകൾ ആണ് വിതരണം ചെയ്തത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
