May 06, 2020
May 06, 2020
ദോഹ : ഖത്തറിൽ നിന്നും ഇന്ത്യയിലേക്ക് മടങ്ങാൻ ആഗ്രഹിക്കുന്നവർക്കായുള്ള ഡാറ്റാ ശേഖരണത്തിന്റെ ഭാഗമായി ഇന്ത്യൻ എംബസി നേരത്തെ നടത്തിവന്ന ഓൺലൈൻ രജിസ്ട്രേഷൻ പുനരാരംഭിച്ചു. ഇന്ത്യൻ എംബസി അൽപം മുമ്പ് ട്വിറ്റർ അക്കൗണ്ടിലൂടെയാണ് ഇക്കാര്യം അറിയിച്ചത്.
കോവിഡിന്റെ പശ്ചാത്തലത്തിൽ ഖത്തറിൽ നിന്നും നാട്ടിലേക്ക് മടങ്ങാൻ ആഗ്രഹിക്കുന്ന ഇന്ത്യക്കാർക്കാരുടെ വിവരങ്ങൾ ശേഖരിക്കാനായി ഒരാഴ്ച മുമ്പാണ് ഖത്തറിലെ ഇന്ത്യൻ എംബസി പ്രത്യേക ലിങ്ക് വഴി വിവരശേഖരണം തുടങ്ങിയത്. എന്നാൽ 40,000 ത്തിലധികം ഇന്ത്യക്കാർ രജിസ്റ്റർ ചെയ്തതിന് ശേഷം ഇവരുടെ മുൻഗണനാ പട്ടിക തീരുമാനിക്കുന്നതിന്റെ ഭാഗമായി രണ്ടു ദിവസം മുമ്പ് രജിസ്ട്രേഷൻ താൽക്കാലികമായി നിർത്തിവെച്ചിരുന്നു. ഇതാണ് ഇപ്പോൾ വീണ്ടും പുനരാരംഭിച്ചത്.
ഗർഭിണികൾ,ഗുരുതരമായ ആരോഗ്യ പ്രശ്നങ്ങൾ ഉള്ളവർ,വയോധികർ എന്നിവർക്കായിരിക്കും മുൻഗണന ലഭിക്കുക. രജിസ്ട്രേഷനുള്ള ലിങ്ക് ചുവടെ :
https://docs.google.com/forms/d/e/1FAIpQLScYgQkLLvA0GvHh5dm_QEDSzqI6S8TuYGJ49JsByTnOlZ6EcA/viewform
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.