December 23, 2019
December 23, 2019
ദോഹ : ഖത്തറിലെ ഇന്ത്യൻ എംബസ്സിയുടെ ജീവകാരുണ്യ വിഭാഗമായ ഐ. സി. ബി. എഫ്. രാജ്യത്തെ ഇന്ത്യൻ പ്രവാസികൾക്കായി ഇൻഷുറൻസ് പദ്ധതി പ്രഖ്യാപിച്ചു. ധമാൻ ഇൻഷുറൻസ് കമ്പനിയുമായി സഹകരിച്ച് തയ്യാറാക്കിയ ലൈഫ് ഇൻഷുറൻസ് പദ്ധതതിയനുസരിച്ച് രണ്ടുവർഷത്തേക്ക് 125 റിയാലായിരിക്കും പ്രീമിയം തുകയായി അടക്കേണ്ടിവരിക. പോളിസി ഉടമക്ക് പോളിസി കാലയളവിൽ അപകടമരണമോ, സ്വാഭാവിക മരണമോ സംഭവിക്കുകയാണെങ്കിൽ ഒരു ലക്ഷം ഖത്തർ റിയാലാണ് ഇൻഷുറൻസ് തുകയായി ആശ്രിതർക്ക് കൈമാറുകയെന്ന് ഐ. സി. ബി. എഫ്.പ്രസിഡണ്ട് പി. എൻ. ബാബുരാജൻ വാർത്താസമ്മേളനത്തിൽ പറഞ്ഞു. 18 വയസ്സുമുതൽ 65 വയസ്സുവരെ പ്രായമുള്ളവരും ഇന്ത്യൻ പാസ്‌പോർട്ടും ഖത്തർ ഐ. ഡി. കാർഡുമുള്ള എല്ലാവർക്കും നിശ്ചിത ഫോം പൂരിപ്പിച്ചു നൽകി ലൈഫ് ഇൻഷുറൻസ് എടുക്കാനാകും.
വരുന്ന ചൊവ്വാഴ്ച്ച ഇന്ത്യന്‍ അംബാസിഡര്‍ പി കുമരന്‍ പദ്ധതിയുടെ ഉദ്ഘാടനം നിര്‍വഹിക്കും. ഖത്തറിലെ ഇന്ത്യന്‍ പ്രവാസികളുടെ ജീവിത സുരക്ഷ ഉറപ്പുവരുത്തുകയെന്ന ലക്ഷ്യം മുന്‍നിര്‍ത്തിയാണ് എംബസിയുടെ കീഴ്ഘടകമായ ഇന്ത്യന്‍ കമ്മ്യൂണിറ്റി ബെനവലന്‍റ് ഫോറം ഇന്‍ഷൂറന്‍സ് പദ്ധതി ആരംഭിക്കുന്നത്.
