May 11, 2020
May 11, 2020
ദോഹ : കൊറോണക്കെതിരേ പോരാടുന്ന ലോകമെമ്പാടുമുള്ള ഒരു ലക്ഷം ആരോഗ്യപ്രവര്‍ത്തകര്‍ക്ക് സൗജന്യമായി യാത്രാ ടിക്കറ്റ് നല്‍കുമെന്ന് ഖത്തര്‍ എയര്‍വെയ്‌സ് പ്രഖ്യാപിച്ചു. ആരോഗ്യ മേഖലയില്‍ പ്രവര്‍ത്തിക്കുന്നവര്‍ക്ക് ഇതിനായി qatarairways.com/ThankYouHeroes എന്ന വെബ്‌പേജില്‍ ഫോം പൂരിപ്പിച്ച് രജിസ്റ്റര്‍ ചെയ്യാം.നാളെ രാത്രി 12.01 മുതല്‍ ആരംഭിക്കുന്ന രജിസ്‌ട്രേഷന്‍ മെയ് 18ന് രാത്രി(ഖത്തര്‍ സമയം) 11.59ന് അവസാനിക്കും. രജിസ്‌ട്രേഷന്‍ പൂര്‍ത്തിയാക്കുന്നവര്‍ക്ക് മുന്‍ഗണനാ ക്രമപ്രകാരമായിരിക്കും പ്രൊമോഷന്‍ കോഡ് ലഭിക്കുക.ലോകത്തെ എല്ലാ രാജ്യത്തുമുള്ള ആരോഗ്യപ്രവര്‍ത്തകരും സൗജന്യ ടിക്കറ്റിന് അര്‍ഹരായിരിക്കും.. ഒരോ രാജ്യത്തും ജനസംഖ്യ അനുസരിച്ച് ദിനംപ്രതി നിശ്ചിത ടിക്കറ്റുകള്‍ നീക്കിവയ്ക്കും. ദിവസവും രാത്രി 12.01 അതത് ദിവസത്തെ ടിക്കറ്റുകൾ സംബന്ധിച്ച വിവരങ്ങൾ ഖത്തർ എയർവേയ്‌സ് പുറത്തുവിടും. പ്രമോഷന്‍ കോഡ് ലഭിച്ച ആരോഗ്യ പ്രവര്‍ത്തകര്‍ക്ക് ഖത്തര്‍ എയര്‍വെയ്‌സ് സര്‍വീസുള്ള ലോകത്തെ ഏത് നഗരത്തിലേക്കും ഒരു സഹയാത്രികനുൾപ്പെടെ രണ്ട് എക്കോണമി ക്ലാസ് മടക്ക ടിക്കറ്റുകൾ ടിക്കറ്റുകള്‍ ബുക്ക് ചെയ്യാവുന്നതാണ്.. എന്നാൽ നവംബര്‍ 26ന് മുമ്പ് ടിക്കറ്റ് ബുക്ക് ചെയ്തിരിക്കണം.. 2020 ഡിസംബര്‍ 10വരെയുള്ള യാത്രയ്ക്കാണ് ടിക്കറ്റ് ബുക്ക് ചെയ്യാനാവുക. യാത്ര ചെയ്യേണ്ട സ്ഥലമോ തിയ്യതിയോ പ്രത്യേക ഫീസ് ഇല്ലാതെ എത്ര തവണ വേണമെങ്കിലും മാറ്റാനും സൗകര്യമുണ്ട്.
ആരോഗ്യമേഖലയിൽ പ്രവർത്തിക്കുന്ന പ്രൊഫഷണലുകൾക്ക് ഖത്തർ ഡ്യൂട്ടി ഫ്രീയിൽ നിന്ന് 35 ശതമാനം നിരക്കിളവ് അനുവദിക്കുന്ന റെഡീം കാർഡുകൾ നൽകുമെന്നും ഖത്തർ എയർവേയ്‌സ് സിഇഒ അക്ബർ അൽ ബേക്കർ അറിയിച്ചു.ഡിസംബർ 31 വരെയായിരിക്കും പർച്ചേസ് ചെയ്യാനുള്ള സമയ പരിധി.
Source : Qatar Tribune/The peninsula
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
