January 02, 2021
January 02, 2021
ദോഹ: ഖത്തര്‍ എയര്‍വെയ്‌സ് കാര്‍ഗോ മൂന്ന് പുതിയ ചരക്കു വിമാനങ്ങള്‍ വാങ്ങി. ബോയിങ് 777 വിഭാഗത്തില്‍ പെടുന്ന മൂന്ന് ചരക്കു വിമാനങ്ങളാണ് ഖത്തര്‍ എയര്‍വെയ്‌സ് കാര്‍ഗോ വാങ്ങിയത്.
ദീര്‍ഘദൂര സര്‍വ്വീസുകളിലാണ് ഖത്തര്‍ എയര്‍വെയ്‌സ് കാര്‍ഗോ പുതിയ വിമാനങ്ങള്‍ ഉപയോഗിക്കുക. കാര്‍ഗോ ചാര്‍ട്ടര്‍ വിമാനങ്ങളായും ഖത്തര്‍ എയര്‍വെയ്‌സ് കാര്‍ഗോ പുതിയ ബോയിങ് 777 ചരക്കു വിമാനങ്ങള്‍ ഉപയോഗിക്കും. പുതിയ വിമാനങ്ങള്‍ ഉപയോഗിക്കുന്നതോടെ പെട്ടെന്ന് എത്തിക്കേണ്ട ചരക്കുകള്‍ അതിവേഗം എത്തിക്കാനും പ്രത്യേക താപനിലയില്‍ സൂക്ഷിക്കേണ്ട വസ്തുക്കള്‍ സുഗമമായി കൊണ്ടുപോകാനുമെല്ലാം സഹായകമാകും.
പുതിയ വിമാനങ്ങള്‍ എത്തിയതോടെ ഖത്തര്‍ എയര്‍വെയ്‌സ് കാര്‍ഗോയുടെ പക്കലുള്ള ആകെ ചരക്കു വിമാനങ്ങളുടെ എണ്ണം 30 ആയി. ഇതില്‍ 24 എണ്ണം ബോയിങ് 777 ചരക്കു വിമാനങ്ങളും നാലെണ്ണം എയര്‍ബസ് എ 330 ചരക്കു വിമാനങ്ങളും രണ്ടെണ്ണം ബോയിങ് 747 ചരക്കു വിമാനങ്ങളുമാണ്.
പുതിയ ചരക്കു വിമാനങ്ങളുടെ വരവോടെ ആഗോള വിപണിയില്‍ ആവശ്യമായ ശേഷി ഖത്തര്‍ എയര്‍വെയ്‌സ് കാര്‍ഗോ കൈവരിച്ചുവെന്ന് ഖത്തര്‍ എയര്‍വെയ്‌സ് ഗ്രൂപ്പ് സി.ഇ.ഒ അക്ബര്‍ അല്‍ ബക്കര്‍ പറഞ്ഞു. കൊവിഡ്-19 വാക്‌സിനേഷന് ആവശ്യമായ ലോജിസ്റ്റിക്‌സിനെ പിന്തുണയ്ക്കാന്‍ അധികശേഷി തങ്ങളെ സഹായിക്കും. ബോയിങ് 777 ന്റെ ഇന്ധനക്ഷമത, ദീര്‍ഘദൂരം സഞ്ചരിക്കാനുള്ള ശേഷി, ഉയര്‍ന്ന ശേഷി എന്നിവ ഖത്തര്‍ എയര്‍വെയ്‌സ് കാര്‍ഗോയെ സുസ്ഥിരമാക്കുമെന്നും അദ്ദേഹം പറഞ്ഞു.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
