December 10, 2019
December 10, 2019
റിയാദ് : നാൽപതാമത് ജിസിസി ഉച്ചകോടിയിൽ പങ്കെടുക്കുന്നതിന് ഖത്തർ പ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് അബ്ദുല്ലാ ബിൻ നാസർ ബിൻ ഖലീഫാ അൽതാനിയുടെ നേതൃത്വത്തിലുള്ള ഖത്തർ പ്രതിനിധി സംഘം സൗദി തലസ്ഥാനമായ റിയാദിൽ എത്തി. സൗദി രാജാവ് സൽമാൻ ബിൻ അബ്ദുൽ അസീസ് അൽ സഊദ്, റിയാദ് ഗവർണർ ഫൈസൽ ബിൻ ബന്ദർ ബിൻ അബ്ദുൽ അസീസ് അൽ സഊദ്,മിനിസ്റ്റേഴ്സ് കൗൺസിൽ മന്ത്രി ഡോ.മുസാദ് ബിൻ മുഹമ്മദ് അൽ ഐബാൻ,ജിസിസി സെക്രട്ടറി ജനറൽ അബ്ദുൽ ലത്തീഫ് റാഷിദ് അൽ സയാനി എന്നിവർ ഖത്തർ പ്രധാനമന്ത്രിയെയും സംഘത്തെയും സ്വീകരിച്ചു.
സൗദി അരാംകോയ്ക്ക് ആക്രമണം നടന്ന ശേഷം നടക്കുന്ന ഉച്ചകോടിയിൽ ഇറാനെതിരെയുള്ള ജിസിസി രാജ്യങ്ങളുടെ ഐക്യവും ഗൾഫ് പ്രതിസന്ധിയും പ്രധാന വിഷയമായേക്കുമെന്നാണ് സൂചന.
ഖത്തറിൽ നിന്നും ഗൾഫ് - അറബ് മേഖലയിൽ നിന്നുമുള്ള ഏറ്റവും പുതിയ വാർത്തകൾ മുടങ്ങാതെ ലഭിക്കാൻ ഇതുവരെ ഒരു ഗ്രൂപ്പിലും അംഗങ്ങളാവാത്തവർ +974 66200167 എന്ന വാട്സ് ആപ് നമ്പറിലേക്ക് സന്ദേശം അയക്കുക.